Apocalipsis 9:20 - NandevaBiblia

²⁰ Kuaretare hembyva, mbairasy porãmba vekuaivi manombare, hejãã reta mbai porãmba japo vekuare, poimbaa omombaiva ãñare, hareka ta'ãngare japoava ita vera ijuvaivi, ita vera tĩĩvaivi, bronceivi, hareka yvyrava, katumba heshava kũvãipi hareka henduĩmba hareka vataĩmba.

Apocalipsis 9:20 Referans Kwoze

Apocalipsis 9:21

Hokava kuaretare Tũpa jykoty potãã oujy hareka poiã puruka reta, hejãã pajekue, hareka manarõveãma verã, poiã kyrãrãĩ jyre.

1 Timoteo 4:1

Espiritu Santo rãnga hei kavi, ara japyape vãhẽserimarã, ĩmepo'ẽ poi jyrojaheva Tũpa, tykove japuvare heiva hẽnduposhu hareka japoposhu retakui mbaiposhyre pyrỹmboiheva.

Hechos 19:26

Tẽvã pyhesha hareka pyhenduva rãĩmi, Pablo hei kuareta japova Tũpa rã'anga haimbava Tũpa; kyrã hetavape heirã roja, ha'ẽã ko Éfesopeĩ ajete rãnga opaĩ tenta Asiaipi.

Hechos 7:41

Harã japo reta pente toro ray hã'ãnga, mymba juka reta meẽshu verãre hokava Tũpa hareka vy'a jyre ipopẽĩ kyrã japo retarã.

2 Corintios 12:21

Kova aha verãpe akyjejy, shu Tũpa shymymarãka pynynõnde verã, hareka katu ajaheo mbai porãmba japo'iare rehe, hareka hejãã reta maĩnunga porãmbare, kyrãrãĩ'iare, heko ky'akuepy jypykuamavare.

Hechos 17:29

Tũpa ñymoñashia ñanderã, katuãpo ñandypya ñambijetarã Tũpa ñambivachehe, ita verava ijuva, ita vera tĩĩva maĩrã itaivi kuaretare japova.

Mateo 21:32

Juan Bautista rãnga ou pynymboihe tape hekope kavi'õ, tẽvã pyrojããshu kyrypoti mbatyse'iare Roma pevarã hareka taupe heko porãmba rojashu reta. Tẽvã pee pyheshatẽva pyhejãã pyndyreko porãmba vekua, pirojahe verã.

Apocalipsis 16:8

Tũpa jokueva urũndyhea hakuava jykopapy'õ kuarasy'ĩãrẽ, haivi hejaĩ kuarasy hakukuepy kuareta oke.

Apocalipsis 9:19

Shara kavajure ñymbaikatukue ẽẽshu jurupe hareka huvepe, huve ova mboi hareka ñakare opa pyrỹmbypepere verã.

Apocalipsis 15:1

Hareka ahesha ynga mbai heshahava arare ojaimbava hareka mbyry ma'ẽãhea: Hai 7 Tũpa jokuevare 7 mbairasy porãmba ryheva koñemaheva, hãrã akuavare opamarã opapo jyve Tũpa poshykue.