Apocalipsis 7:9 - NandevaBiblia

⁹ Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.

Apocalipsis 7:9 Referans Kwoze

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Juan 12:13

Hãrã jasyja reta karãnday hoky jyraha hỹvãĩti reta Jesús hareka sapuke jyrerã hei: Yrỹmondojepeve, Ũrũtũpa! Tojehovasa Ñandeja heepe ouva! Tojehovasa Israel juhuvisha vasu!

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 6:11

Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi,

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Lucas 21:36

Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

Lucas 12:1

Haipe kuareta hetava ñymbatyjy, pypỹrõ vasĩ ijehe. Hãma Jesús õñepyrõ ijetashu mboireare: Pĩngareko pijeheshi fariseore imereva harina mby'ouka, hova mokueva ryheva.

Apocalipsis 4:4

Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.

Hebreos 12:22

Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

Hebreos 11:12

Hãme rãnga Abraham, manoserimate'ia heta ĩmerejy ñymoña hãndiare jasytata rãĩmi vate arare hareka yvy ku'i yyvasu hymbeyipi'õva rãĩmi, katumba opa japapava.

Efesios 6:13

Hãma, piñymonde kavipy opaite ñyrãrõpe mondeava Tũpa meẽpeva, pijepyhe verã hareka vãhẽma pee ara mbai porãmba Ãña ñonopeva, haivi opama pyhasa mbai porãmbavarã, pee pypyrããtapo pẽĩ.

Apocalipsis 5:11

Haivi ahendu Tũpa jokuevare ĩñee hetava vapyhasepya juri, hykove'ia reta hareka kuakuavare,

Apocalipsis 7:8

Zabulón ñymoñashiaivi 12.000, José ñymoñashiaivi 12.000, Benjamín ñymoñashiaivi 12.000.

Apocalipsis 22:3

Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.