Apocalipsis 6:9 - NandevaBiblia

⁹ Avisha Ray peajy sello 5 hearã, ahesha altar'ipe jukahavare hykovekue Tũpa ĩñee rehe hareka mbeujyre hokava ñee rehe.

Apocalipsis 6:9 Referans Kwoze

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Juan 16:2

Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

Apocalipsis 16:7

Ahendujy pente ñee altarvive heiva: “Ẽẽ, Sheja Tũpa ñymbai katuva añetevape rãnga rĩpirĩmbivacheka hareka hekope kavi”.

Apocalipsis 14:18

Hareka õhẽjy ynga Tũpa jokueva altar ẽvãivi, ĩmereva pyrãta tata hendyvare hareka hỹnatu sapukeshu kyse japa haĩmbeva ĩmerea, heishu: Minje ndykyse japa haĩmbeva hareka opa jasyja uva yvy ĩãrẽ hẽñovare shara opama uva iare javyje!

Apocalipsis 1:2

hai opa mbeu opaite hesha vekua Tũpa ĩñee hareka Jesucristo mbeuva.

Filipenses 1:23

Mokue maĩnunga shopy; shykyrẽy amano aĩme hãndi verã Cristo, hokava hai haikaviteveva;

2 Corintios 5:8

Tẽvã jairojañaĩ ñandypyavasu ryheve, hãme rãnga pota mbyryñaĩshi kova ñandyrete, ñaĩ handi verã Ñandeja.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Apocalipsis 8:3

Haivi oujy ĩrũ Tũpa jokueva ñymbo'y altar hỹnonde, pente mbai pishekatuva hyru ita vera ijuva ryheve, me'ẽajyshu mbai pishekatuva hetava meẽ hãndi verã Tũpa ryhevare jurureva, altar ita vera ijuva ĩãrẽ vapyhasepya hỹnonde.

2 Timoteo 4:6

Vãhẽserima Tũpape shyme'ẽãrã shukaha verã hareka vãhẽmapo ara amano verãpe.

Apocalipsis 9:13

Tũpa jokueva 6 hea mbi'ipujy trompetarã, ahendu pente ñee ouva urũndy hahakua'õ altar ita vera ijuva, ẽvã Tũpa hỹnonde.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

Hebreos 12:23

hareka ñymbatyva Tũpa tay tynondevare mbyparahava vate arape. Tũpa teiva piñymbojahe, opavare mbivacheva, hareka piñymboja jyvehe kuaretare je'espiritu vate arape'õre mbyheko kaviamavare,