Apocalipsis 6:8 - NandevaBiblia

⁸ Ãmaĩrã ahesha pente kavaju ijuva, ĩãrẽ vapy'ia hee “manova”, haykueivi ou mano vekuare ẽvãpe'õ me'ẽãshu reta mbaikatu juka verãre urũrũndy hendape'õ ko yvy ĩãrẽ'õre ñyrãrõpe, ñymbahype, mbairasype, hareka mymba ñarõvare yvy'ĩãrẽ õivi.

Apocalipsis 6:8 Referans Kwoze

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 9:18

Mbahapy hendape'õ kuaretare opa juka kova mbahapy mbairasy porãmba õhẽva kavaju juruivi: Tata, tatãti hareka asufre.

Apocalipsis 9:15

Hãrã poiashi urũndy'õ Tũpa jokuevare, juka verã mbahapy hendape'õ kuareta, myhẽvãha vekuare hokava ora, ara, jasy hareka ãño pevarã.

1 Corintios 15:55

Nde ñymanokue, mapera'ẽ nupu'ũcha? Nde ñymanokue, mapera'ẽ nypyrãtãkue?

Mateo 11:23

Nde tenta Capernaumpe'õ, rimoãra ndurupiha jyve vate arapy? Mba'ety, nymombohapokui Ãña ẽvãpe. Shara tenta Sodomape kova mbaikavi heshaha verã japoha ndyreherã, ã'ẽpeve hokava tenta ĩmeĩtẽ'ẽ verã.

Apocalipsis 12:4

Huvepy mbytyryry mbahapy henda'õ jasytatare hareka mombo yvy'ĩãrẽ, haivi mboivasu oho taupe memby'ẽ verã hỹnonde, membymarã opa houshi verã.

Mateo 24:7

Pente tentavasu pũãpo ynga tenta vasure, hãrã opavare pũãpo ijehe. Opa rupipo ẽẽ ñymbahyvasu hareka yvy ryry.