Apocalipsis 4:10 - NandevaBiblia

¹⁰ hokava 24 kuakuavare ĩñesu Tũpa hỹnonde hareka omombai reta opa ara hykovevape, tankare ñonoava mombo reta vapyhasepya hỹnonderã, hei:

Apocalipsis 4:10 Referans Kwoze

Apocalipsis 5:8

Hekyma kuatiarã, urũndy hykoveteri'iare hareka 24 kuakuavare ĩñesu Avisha Ray hỹnonde, pepenteĩ ipopere arpa hareka vaso ita vera ijuva tynyhẽ'õ mbai pishekatuva, hokava he'ise Tũpa ryhevare jurureva.

Apocalipsis 19:4

Hãrã 24 kuakuavare hareka urũndy hykove'iare jyroa reta yvypeve omombai reta Tũpa vapyhasepyape vapy'õ, hei: “Amén, Aleluya!”

Apocalipsis 11:16

Hãrã 24 kuakuavare vapy'ẽva vapypyape Tũpa hỹnonde, ĩñesu reta syva mbojapeve yvyre hareka omombaishu reta,

Apocalipsis 4:4

Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.

Apocalipsis 7:11

Opaite Tũpa jokuevare ñymbou jerehe vapyhasepya, hareka kuakuavare hareka urũndy kuareta hykove'iare. Haire jyroa vapyhasepya hỹnonde mbojapeve syvare yvyre hareka omombaivasu reta Tũpa.

Apocalipsis 5:14

Haipe urũndy hykove'iare hei reta: Kyrãpokui! Haivi 24 kuakuavare ĩñesu hareka omombai reta.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Apocalipsis 4:9

Hãma urũndy hykove'iare mbyveteshu, omombaishu hareka jyvy'akue meẽshu vapyhaseape vapy'õ, opa ara hykovejy verãpe,

Mateo 2:11

Iche reta oo iperã, hesha sanjay hareka ishy María hãndi. Haipe ĩñesu retarã, õmombaishu sanjay, haivi mbai hyru pea retarã, meẽshu ita vera ijuva, mbai pishekatuva hareka mirra.

Lucas 24:52

Haire opama õmombaishu retarã, vy'ape oujy reta Jerusalénpe,

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

Apocalipsis 4:2

Haipevaĩ ahesha Espiritu Santo rupii pente vapyhasepya vate arapy, hokavape ĩme'ẽ vapy'õ.

Apocalipsis 10:6

hareka meẽ ĩñee Tũpa opa ara ikova heepe, arykai japova arare hareka yvy, yyvasu hareka opa mbai ẽpyare hãrã hei: Tũpa hetaveãmapo hãrõ.

Apocalipsis 15:7

Hareka penteva urũndy hykove'ia reta pãũvi memeẽshu 7 Tũpa jokuevare kopa ita vera ijuva, tynyheva Tũpa poshykue hykove'ia opa ara.