Apocalipsis 22:9 - NandevaBiblia

⁹ Tẽvã hai heishe: “Avy japo hoka! Emombai Tũpa shara she hai jokuearea nde rãĩmiva, hareka ndyryvy Tũpa ĩñee mbeu'iare, hareka opaite Tũpa ĩñee kova kuatiape'õ hendu hareka japovare”.

Apocalipsis 22:9 Referans Kwoze

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Apocalipsis 14:7

Sapukerã hei: Pykyjeshi Tũpa hareka pemombai, shara vãhẽma ara hai pirĩmbivache verã hareka pemombaishu japova ara vate'õ, yvy hareka yy'vasu hareka yy õhẽ'õre.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Apocalipsis 4:10

hokava 24 kuakuavare ĩñesu Tũpa hỹnonde hareka omombai reta opa ara hykovevape, tankare ñonoava mombo reta vapyhasepya hỹnonderã, hei:

Apocalipsis 22:10

Heive jyshe: “Avy ñomi ko ñee iko verã kuatiape'õ, shara kova mbai arẽãpo ikokui.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Apocalipsis 9:20

Kuaretare hembyva, mbairasy porãmba vekuaivi manombare, hejãã reta mbai porãmba japo vekuare, poimbaa omombaiva ãñare, hareka ta'ãngare japoava ita vera ijuvaivi, ita vera tĩĩvaivi, bronceivi, hareka yvyrava, katumba heshava kũvãipi hareka henduĩmba hareka vataĩmba.

Apocalipsis 22:18

Opaite henduva ñee iko verã kuatiape'ẽva, haiposhu reta: Ĩme'ẽ ko kuatiape'õ ĩãrẽve ñonovarã, Tũpa mboupo ĩãrẽkui mbairasy porãmba ko kuatia mbyparavape heiva.

Lucas 4:7

Opapo na'ãporãkui rĩñesu shynonderã, hareka shemombairã.

Mateo 4:9

Hãma heishu: Opaitevapo ameẽndekui kovare, rĩñesu shynonde hareka shemombairã.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.