Apocalipsis 22:10 - NandevaBiblia

¹⁰ Heive jyshe: “Avy ñomi ko ñee iko verã kuatiape'õ, shara kova mbai arẽãpo ikokui.

Apocalipsis 22:10 Referans Kwoze

Apocalipsis 1:3

Vy'apo mbijetava Tũpa ĩñee hareka henduvare ko ñee iko verã, hareka japova, shara vãhẽmapo ara iko verãpe.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

Apocalipsis 10:4

Ijetama 7 hy'apuva retarã, pota ambypara'are kuatia mishĩvamipe haire heiva, tẽvã vate araivi ahendu pente ñee heisheva: Avy mbeukui 7 hy'apuva heivare hareka avy ñono kuatiape.

Mateo 10:27

Ko she haipeva pỹntuape, pymbeushu kuaretare ara kõĩvape; she papysapeĩ haipeva, oo ĩãrãvive pysapuke pymbeu.

Romano 13:12

Pyntukue ouve'i hareka vãhẽmapo ara kõĩva; hãrã japoi jajapo mbai pyntuaipi'õvare hareka ñaĩmimondepy ijochahapya hendyva syndaro rãĩmi haikaviva jajapo verã.

Apocalipsis 22:16

Jesús hei: “Amondo ajokueva, kova mbai tũpao retaipi hei verã. She rãnga huvisha vasu David ñymoñashi vekua; She hai jasytata kõĩ'ourã sapeva”.

Apocalipsis 5:1

Vapyhaseape vapy'õ ipo jakata kyty ahesha pente kuatia opa mbapu'ahava, ĩmerea ñee hapype hareka ĩãrẽ hyvavaisho ryheve hareka mbotyha 7 sellope.

2 Tesalonicenses 2:3

Avy pyma'ẽĩhe mbava pynymbytavy, shara tynondepo vãhẽkui ara Tũpa ñymbyvaisho ouheare hareka ijeshakapojykui kuareta heko porãmba, jyvare pyryrehe verã.

Apocalipsis 22:20

Kova ñee mbeu'iva hei: “Añeteĩte rãnga aijyserima”. Amén! Ei Sheja Jesús!

Romano 13:11

Pijapo kova pynymanduahe jaikovape vãhẽma ara jasareko verã typehykueivi. Shara ã'ẽ jahajepe verãpe kõõĩtevema ou jypyite ñee kavi jarojarã vekuaivi.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.

Apocalipsis 22:9

Tẽvã hai heishe: “Avy japo hoka! Emombai Tũpa shara she hai jokuearea nde rãĩmiva, hareka ndyryvy Tũpa ĩñee mbeu'iare, hareka opaite Tũpa ĩñee kova kuatiape'õ hendu hareka japovare”.

Apocalipsis 22:18

Opaite henduva ñee iko verã kuatiape'ẽva, haiposhu reta: Ĩme'ẽ ko kuatiape'õ ĩãrẽve ñonovarã, Tũpa mboupo ĩãrẽkui mbairasy porãmba ko kuatia mbyparavape heiva.