Apocalipsis 21:4 - NandevaBiblia

⁴ Tũpa opapo joheshi sayre, ẽẽveãmapo ñymano, mbairãmba hykũaĩ ñymbairasyjy verã, maĩrã jaheojy, hareka mbai hasyvamba ñandujy verã, shara arykai'ẽ vekua mba'etyma”.

Apocalipsis 21:4 Referans Kwoze

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.

1 Corintios 15:26

Tyvaisho koñemahea õhũndi verã hai, ñymano.

1 Juan 2:17

Kova yvy opa oho'i opaite poramba vekuare ryheve, tẽvã Tũpa potava japo'iare, ikopo opa ara pevarã.

Mateo 24:35

Ara hareka yvy opapokui, tẽvã shiñee opããpokui.

Apocalipsis 21:1

Hãme ahesha pente ara vate'õ py'ahuva hareka yvy py'ahuva, shara ara vate'õ hareka yvy tynonde ẽvãre mba'etyma, kyrãĩjy yyvasure.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.

Apocalipsis 22:3

Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.

2 Pedro 3:10

Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

1 Corintios 7:31

Hãma maĩnunga ko yvy'ĩãrẽ'õva pory'iare, tiko pory kavimba rãĩmi; shara ko yvy jaheshañaĩva opaserima.

2 Corintios 6:17

Pẽhẽshi haire mbyteivi, hareka pysyryshi; avy pypokohe mbai kyavare hãrã she apyrỹmyvãhẽpokui.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Hebreos 12:27

Hãma hei kova “pentemapo”, kuaaha opapo hekyha mbai japoha vekua retarã, kova hai katu my'õmyãvare, pyta verã õmymbare.

Apocalipsis 20:13

Hareka yyvasu meẽ opa manopy vekuare, kyrãĩ jyve ñymano hareka manovare ẽvãpe opa meẽ ẽẽpy vekuare, hareka pepenteĩ mbivachehaka haire japo vekuare.