Apocalipsis 21:23 - NandevaBiblia

²³ Hareka tenta vasu ikoteveãhe kuarasy hareka jasy mykoĩ'ĩãrẽ verã, shara Tũpa hĩmbipekue sape'ẽhe hareka Avisha Ray hai ñymbai sapeka.

Apocalipsis 21:23 Referans Kwoze

Apocalipsis 22:5

Haipe mba'etypo pỹntu, mba'etypojy ikotẽvẽhea sapeapya myhendy verã hareka kuarasy, shara Tũpa Teja haipokui jysapekare, hareka hairetapo huvisha vasurã'ẽkui opa ara pevarã.

Apocalipsis 21:11

Tũpa hĩmbipekue opa mykõĩ, hareka sapekue maĩnypi pente ita mashyã verava, ita jaspe rãĩmi, vidrio sãkapya rãĩmi.

Juan 1:9

Hãrã ko sapeva añeteĩteva, oumba ko yvy'ĩãrẽ sapehe verã kuaretare.

Apocalipsis 18:1

Hokava haykuema aheshajy yngava Tũpa jokueva vejy ou vate araivi. Ñymbaikatu vasukue ryheve, hareka hĩmbipekuepe opa mykõĩ yvy'ĩãrẽ.

Lucas 2:32

Sape mykõĩhe verã haimba Judiore, hareka nyrẽta Israel mihimbipe verã”.

Apocalipsis 21:25

Hareka hõchere ñymboty'ãĩteipo ara hareka pyharekue shara haipe pỹntu mba'etypo.

Juan 5:23

opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:4

Haimba ẽẽhe tykove, hãrã hokava tykove hai kuaretare jysapeka.

Hechos 22:11

Katynga sapeva hĩmbipekueivi aheshaveã kũvãipi, hãrã shi'ĩrũre shyshambekyĩ shyraha Damascopeve.

Marcos 8:38

Ĩme'ẽ mbava shynotivarã hareka Shiñee notiva ko tykove ñarõva hareka mbai porãmba japo'ia hỹnonde, kuareta Tay notipo jyveshukui oujyma Tuu hĩmbipekue ryheverã hareka Tũpa jokueva heko kyambare hãndi.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Apocalipsis 5:6

Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.

Apocalipsis 14:4

Kova hai taupe ñyngyambaheare shara pokohãterihe. Kova reta hai Avisha Ray mi'ĩrũ jyrevare ohova reta kyty. Kova hai mondoajepevare kuaretare mbyteivi me'ẽãva kapyryva Tũpa pevarã hareka Avisha Ray.