Apocalipsis 20:2 - NandevaBiblia

² Ko Tũpa jokueva pysy mboi vasu, arykaiva mboi, haiva Ãña hareka Satanás, hareka ñapĩnti kadenapy 1.000 ãñopeve.

Apocalipsis 20:2 Referans Kwoze

2 Pedro 2:4

Shara Tũpa hejareiãmba arykai hai jokuevare porãmba japorã, koñeĩ mombombashu reta tata vasupe. Haipe hejashu reta pyntuvape ñapintĩhavape hareka natuha verãre ara Tũpa jahe pyryrehe verãpe.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Judas 1:6

Hareka Tũpa jokueva ẽẽmba vekuare õĩ verãpe, koñeĩ opa heja reta ha'eire hoo, Ñandeja mbypereso ñono timimbiape hareka opa ara ñimbivacheha ara vãhẽmarã.

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Romano 16:20

kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy'ajetekue toĩ penendie.

Juan 16:11

hãrã heshakaposhu reta Tũpa ñimbivache ryheva, shara jaheamahe huvisharã'õ ko yvy'ĩãrẽ.

Apocalipsis 13:2

Kova mymba ñarõva ova michivasu, tẽvã ipy mymba oso rãĩmiva hareka juru ñavapynta juru rãĩmiva. Hãrã mboi vasu meẽshu ñymbaikatukue hareka vapypya, harekajy pota japova japohe verã kuaretare.

Apocalipsis 12:17

Hãma mboi vasu poshyitevejyshu taupe, hãrã japo ñyrãrõ vasu ñymoña hãndiare, japovare ñee japoa verã Tũpa ña'ãpova hareka jyrojaheva Jesús ĩñee.

Apocalipsis 12:15

Mboi mohẽ juruipi taupe haykue yysyry rãĩmiva, raha verã yy syryva.

Apocalipsis 12:13

Hãrã mboi vasu kuama yvype momboharã, õñepyrõ moña taupe memby kuimbaivape.

Marcos 5:7

Hãma hỹnatu sapukerã hei: Jesús, Tũpa vateve'õ Tay, mbaivara ĩmeryre shendie? Airurende Tũpa heepe avy rivareite shyrehe verã!

Mateo 8:29

Mbai poshyre hỹnatu sapuke jyrerã hei: Mbaivara ripota yryhevi Jesús, Tũpa Tay? Reira rivare yryrehe ara ndeiteri japyva?

Apocalipsis 13:4

Haivi opaitevama omombai mboi vasu, shara me'ẽãshu mbaikatu ojaimbava pota japova japo verã hareka omombai jyveshu reta ko mymba ñarõva hãrã hei reta: Mbavara pyrãta kova mymba rãĩmi? Mbavara ñyrãrõpo hãndi?

Apocalipsis 9:11

Tukure ĩmere juhuvisha vasu, Ãña jokuerea yvykua vasu kypevape'õ, hebreo ĩñeepe mbyheava Abadón, hareka griegope Apolión he'iseva “pyrỹmbai'iva”.

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

Marcos 4:15

Ĩme'ẽ timity oava pe hymbeype hokava hai Tũpa ĩñee hendutẽva, Satanas ou opa hekyjyshi ñee pyape ñotỹhãtẽva.

Apocalipsis 12:3

Haivi jykuaajy ynga heshahava vate arare: Pente mboi vasukue pyntava, 7 ñakavare hareka 10 ijuureva, ñakare pepenteĩre tankare ñonoava.

Apocalipsis 12:4

Huvepy mbytyryry mbahapy henda'õ jasytatare hareka mombo yvy'ĩãrẽ, haivi mboivasu oho taupe memby'ẽ verã hỹnonde, membymarã opa houshi verã.

Apocalipsis 20:7

Hãrã mbotyma 1.000 ãñorã, Satanás poiapojyshi mbyperesohareaivi.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.