25 Tẽvã pingareko kavipohe ĩmepyreva, she aijypeve.
Aijyserima. Ñyngarekokavihe ĩmeryreva, avy mbava typyhỹrõ ndyhevikui mbai tankare ñonoava iju verava.
Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.
Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.
Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.
Kova ñee mbeu'iva hei: “Añeteĩte rãnga aijyserima”. Amén! Ei Sheja Jesús!
Oparãni pikuaakavi, hareka pymymbyta pijehe haikavivare.
Añetevapepo ñandapisha jahaihu. Pimbijiche mbai porãmba hareka haikavivaĩ pijapo.
Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.
Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.
Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.
Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.
Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.
Shara peumapẽĩ kova pãhãrã, hareka pimbyumapẽĩpy kova koparã, Ñandeja ñymano pymbeu hai oujypeve.
Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.
Haipe haire mbytepe pente ñymbou Agapo he'iashua, Espiritu Santo rupii mbeu, ou verã ñymbahy vasu opaite yvy ikoava retaipi, hokava iko Claudio huvisha vasurã'ẽ Romaperã.
