18 Mbyparashu Tũpa jokueva tũpao Tiatirape'õ: Kyrã hei Tũpa ray, hesa tata hendyva rãĩmiva hareka ipy bronce verava rãĩmiva.
hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.
Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.
Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.
Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?
tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.
Tũpa shypyhỹrõ hãrã shymbou yvy'ĩãrẽ: Hãmera marã'ĩrã pere, she aijeta porãmbahea, Tũpa Tay she hairãme?
Ãñeteĩte hai pee, ouma ara hareka ã'ẽvãĩpo, manovare hẽndukui Tũpa Tay ĩñee hareka hẽndushua kuerajypokui.
Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.
Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.
Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.
Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.
Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.
Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi:
Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.
Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?
Hãrã pente taupe Lidia he'iashua, tenta Tiatirape'õ mondeava pynta hũũva hepyva õvẽnde'õ Tũpa õmombai'ia, jasaka kavi'ẽhe Pablo ijeta'ẽrã, hãrã Ñandeja peashu pya jasaka kavihe verã Pablo hei'õva.
Tẽvã pee Tiatirape peĩva, pehombahipia hokava pyrỹmbo'eahea hareka pikuamba haire mbyhee vekua Satanás japokava ñemiãpe'õ, hai pee: Añonoveãmapo peãrẽ ĩrũ mbai pohyva.