Apocalipsis 19:8 - NandevaBiblia

⁸ Tũpa mymondekama mondehava pyrẽrĩva, kyambava hareka hĩmbipeva. Kova mondeava pyrẽrĩva he'ise Tũpa ryhevare kyambare hekopekavi japo vekua”.

Apocalipsis 19:8 Referans Kwoze

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

Marcos 9:3

Mondeva hĩmbiperã tĩĩrai, mba'ety mondeava johe'ia yvy'ĩãrẽ'õ kyrãite mitĩĩjy verã.

Mateo 22:12

Heishu: “Shi'ĩrũ, mãrãra riche kope rỹmondemba omendavare ẽvãpe mondeava?” Ko kuimbai jasakãi'i.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Hechos 1:10

Hãrã haire mãĩ kavijyrehe mãrãra Jesús hupihajy vate, haipe ijeshakashu reta mokue kuimbai mondea tĩĩvare,

Lucas 24:4

Opa kyje retarã kuaã mbaivarapo japo reta, hãrã haipe ijeshakashu reta mokue kuimbai mondea opa hĩmbipeva;

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Mateo 17:2

Haipe hỹnonderãpetei Jesús hete opa yngai oho. Hova opa hĩmbipe kuarasy rãĩmi, hareka jasoiva tĩĩ hendyva sapeva rãĩmi.

Apocalipsis 15:6

Haivima õhẽ tũpaoivi 7 Tũpa jokuevare, ñymondeva mondeava kyamba hĩmbipeva hareka pitiare jerehe cinta ita vera ijuvaivi, haire ĩmere 7 mbairasy porãmba.

Apocalipsis 19:14

Oho haykue syndaro vate arape'õre, kavaju tĩĩvare'iare, ñymonde mondeava pyrẽrĩvapy, tĩĩva hareka kyamba.