Apocalipsis 19:15 - NandevaBiblia

¹⁵ Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 19:15 Referans Kwoze

Apocalipsis 1:16

Ipo jakata kytyre 7 jasytata, hãrã juruivi õhẽ pente kyse hakua pukuva mokue haĩmbeva, hãrã hova hendyjy kuarasy sapetei'ẽrã rãĩmi.

Apocalipsis 2:27

Sheru ñonova rãĩmi shepope, hãrã jepypohe reta yvyra rãĩmiva hiero ipoperea rãĩmi hareka opapo jojoka japepo tujuivi japoava rãĩmi.

2 Tesalonicenses 2:8

Hãma heshahapokui hokava heko porãmba'ia, Tẽvã Ñandeja Jesús jyvarepohekui putũhẽi juruivi mondoherã hareka opapo hĩmbipekuepy jyvarehe oujyvape.

Apocalipsis 19:21

Hãrã opaite yngavare opa jukaha kyse pukuvape õhẽva kavajure'ia juruivi, hãrã vyrare opaite hỹvãtapy ho'okue.

Apocalipsis 12:5

Haivi taupe memby kuimbai, hareka memby opaite tenta vasure ẽẽposhu huvisharã hiero pukuva ryheve. Haivi sapy'aĩ mbaretepe hekyashi memby rahaha Tũpape hareka vapypya hỹnonde.

Apocalipsis 2:16

Hãrã japojy haindeva, shara rijapoã hokavarã narẽ'ãĩtepo ahandekui, hareka ãĩrãrõpo hãndi retakui kyse pukuvapy shijuruivi õhẽva.

Apocalipsis 2:12

Mbyparashu Tũpa jokueva tũpao Pérgamope'õ: Kyrã hei kyse hakuapuku mokue hãĩmbeva ĩmerea.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.