Apocalipsis 16:5 - NandevaBiblia

⁵ Haivi ahendu Tũpa jokueva yy ija: “Tũpa, nde ndyreko kyamba, opa arañoĩ rikova, hekope kavi nde rijaheheva.

Apocalipsis 16:5 Referans Kwoze

Apocalipsis 11:17

haire hei: Me'ẽha nde yry'ajetekue Yreja, Tũpa opa nymbaikatuva, haiñoĩva hareka haiva, hareka ou verã. Shara ndepopemaryre nymbaikatukue hareka reñepyrõma huvisharãrẽĩ ko yvy'ĩãrẽ.

Apocalipsis 1:8

She hai jypy hareka japyhea, õñepyrõhea hareka japyhea, hei Tũpa ñymbai katuveva, hykove'ia, hykoveñoĩ'i vekua hareka ouserimava.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

Apocalipsis 16:7

Ahendujy pente ñee altarvive heiva: “Ẽẽ, Sheja Tũpa ñymbai katuva añetevape rãnga rĩpirĩmbivacheka hareka hekope kavi”.

Romano 3:5

Tẽvã katuãpo jai Tũpa hekope kavimba'ia poshyrã hareka ñanunuparã. Mbaivarapo jai? Tũpa hekope kaviãra'i ñanunupa'i verã? (Kuaretare ijetava rãĩmi aijeta).

Apocalipsis 19:2

Shara Tũpa pirĩmbivacheka hekopekavi hareka añetevape. Shara nupa kyrãrãĩ'ia ojaimbava opa mbyheko porãã opaite ko yvy jerekue heko kyrãrãĩ'i vekuapy. Tũpa jepyjyvehe mba'apo'ishuare opa juka'irã.

Apocalipsis 16:4

Tũpa jokueva mbahapyhea hakuavajy jycopa ysyryvare hareka yy õhẽ'õre ĩãrẽ hãrã ikoshi turuvy.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?