Apocalipsis 14:2 - NandevaBiblia

² Hareka ahendujy pente ñee ara vateivi ouva hãĩ yy hetava ipukue hareka ipukue hãĩ hy'apu vasua hãrã ahendu pente ñee hãĩ arpa ipu heta vekua.

Apocalipsis 14:2 Referans Kwoze

Apocalipsis 5:8

Hekyma kuatiarã, urũndy hykoveteri'iare hareka 24 kuakuavare ĩñesu Avisha Ray hỹnonde, pepenteĩ ipopere arpa hareka vaso ita vera ijuva tynyhẽ'õ mbai pishekatuva, hokava he'ise Tũpa ryhevare jurureva.

Apocalipsis 1:15

Ipy hĩmbipejy bronce mbyverava rãĩmi tatapy, hareka ĩñee yyvasure hy'apuva rãĩmi.

Apocalipsis 15:2

Hareka ahesha pente yyvasu vidrio rãĩmi sãkava jihiava tata, hareka jichepe ñymboy ñynoĩ akuavare jepyheva mymba ñarõva hareka ha'ãnga hareka hee papahapya, hareka opaiteva ĩmere reta arpare Tũpa ña'ãpova.

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 18:22

Ñyhenduveãmapokui arpa ipukue, hareka mimby maĩrã trompeta mbopu'iare! Mbaipemba ryheshajy verã yngangaiva kuaretare mavendeva, hareka rỹhenduveãmapo itapy mbai mungui'õ!

Apocalipsis 11:12

Hãrã mokue Tũpa ĩñee mbeu'iare hendu hỹnatu ijetarã heiva: “Pijupi kope!” Hãrã jupi reta vate arape pente ãvãpyntupy hareka hyvaishore hesha.

Apocalipsis 6:1

Ahesha pente Avisha Ray pea tynondehea 7 sello'õ hareka ahendujy penteva urũndy hykove'iare sapukerã hy'apuva rãĩmi, hei: Ei maĩhe!

Apocalipsis 1:10

Ãĩme ãĩ Espiritupy Ñandeja jy'arape, hãrã ahendu shaykue pente ñee hỹnatuva, trompeta ipukue rãĩmiva,

Apocalipsis 8:7

Tũpa jokueva tynonde'õ mbi'ipu trompetarã, oa amanda hareka tata turuvy jihiava. Hãrã opa oke yvy mbahapy hendape, hãndi jyve mbahapy henda yvyrare hareka opaite kapii hovy'ova.

1 Corintios 13:1

Ajemaĩpo opava kuaretare ĩñeepe aikatu aijeta hareka katupo Tũpa jokuevare ĩñeepe aikatu aijetajy, tẽvã ahaihuã yngava retaperã, shy'ova pente hiero mbi'ipuha'õ, maĩrã maĩnunga parãrãreiva.