Apocalipsis 13:10 - NandevaBiblia

¹⁰ Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.

Apocalipsis 13:10 Referans Kwoze

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Lucas 21:19

Tãtãkatu peĩrã, peojepepokui.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.

Mateo 26:52

Jesús heishu: Ñonojy ndykyse pukuva hyrupe. Opaite kyse puku poryva, kyse pukupẽĩpo jukahajy.

Apocalipsis 16:6

Shara ndyvaishore hetama juka nyrẽta ĩrũ heko kyambare, hareka Tũpa ĩñee mbeu'iare. Hãme rãnga ã'ẽ nde rỹmbyu reta turuvype, shara kyrãvaĩ heka reta”.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.

Apocalipsis 2:19

She aikuaa rijapova, rypyryhaihukue, rirojakue, hareka rỹpyrỹmboryva hareka rỹhãrõkuaa, aikua rijapove tynondeite rijapo vekuaivi.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

Mateo 7:2

Papisha mbai porãmba pijapoheva rãĩmipo; Tũpa japo jyve pyndyrehekui.

Apocalipsis 11:18

Hãrã tenta vasure opa poshy, tẽvã ndyposhykue ouma hareka ara rĩmbivacheka verã mano vekuare, haivi mbaikavipepo rijopejy jyroja ndyryhevare hareka Tũpa ĩñee mbeu'ia retape, hekokavivare hareka opaite ndyree omombaiva reta, rỹmaĩmbaheape ñymbaikatu maĩrã mishĩĩra, hareka opapo rẽhundi jyve yvy opa ohundivare.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 17:11

Mymba ñarõva arykai iko vekua hareka ã'ẽ ikoveãma, hokava hai mburuvisha 8 hea, haitẽva pente 7 hea ryheva, hareka oho opa mambaia verãpe.