Apocalipsis 11:3 - NandevaBiblia

³ Hareka she amondopokui mokue heshava, jyhasa'asype mondeava hũũvapepo ñimimonde, mambeu verã ñee iko verã mbahapy ãño hareka ova jasyheape”.

Apocalipsis 11:3 Referans Kwoze

Apocalipsis 12:6

Haivi taupe ñyvãhẽ yvy ikoambaipi, Tũpa myhẽvashu hendarã ñyngarekohe verã, haipe myngarupo 3 ãño hareka 6 jasykavi.

Apocalipsis 11:2

Tẽvã tũpao mangorava katoape'õ avy myhã'ãngahe, shara hokava me'ẽhashu Judiombare, haire pypyrõpohe tenta kyamba Jerusalen mbahapy ãño hareka ova jasyheape.

Apocalipsis 13:5

Hãrã ñonoãjyshu hei verã hai mbai vasuva hareka jypeju'ihe verã Tũpa hareka me'ẽãjyshu pota japova japo verã 42 jasykavi.

Hechos 13:31

Haivi heta aravape Jesús ijeshakajyshu mi'ĩrure vekuare Galileaivi Jerusalen kyty hãrã haire mbeujyveshu tentare hỹnonde.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Lucas 24:48

Pee rãnga hai pyheshava kova.

2 Corintios 13:1

Kova mbahapyheama aha apyryresha verã. Kova mbai my'ãñetẽha verã, mokue, maĩrã mbahapy heshakaviva mbeurã haikavimapokui.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Juan 15:27

Hãrã pijetapo jyvehekui Shyree, shara õñepyrõãivive shimi'ĩrũpi.

Mateo 18:16

Hãrã nyrẽndusearã katu rỹhẽno pente o mokue hendu verã, katu mapo “opaite he'iava ñonoã kavipo, mokue hareka mbahapy'õ hyvache”, heiva rãĩmi Tũpa ĩñee.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

Juan 3:27

Juan heishu reta: Mba'ety maĩnunga ĩmere verã Tũpa mẽ'ẽãshurã.

Mateo 11:21

Tengapopekui kuaretare pikova tenta Corazinpe! Tengapopekui kuaretare pikova tenta Betsaidape! Tiro hareka Sidonpe japoha mbaikavire heshaha verã pynymbytepe japoha vekuarã, kurimbatẽ oujy verã Tũpa jykoty, ñymbasype mondeava hũũvape ñimimonderã, hareka vapytẽ verã tanimbupy.

Lucas 10:13

Jesús heivejy: Tengapope kuaretare pikova tenta Corazinpe! Tengapope kuaretare pikova tenta Betsaidape! Tiro hareka Sidonpe japoha mbaikavire heshaha verã pynymbytepe japoha vekuarã, kurimbatẽ oujy verã Tũpa jykoty, ñymbasype mondeava hũũvape ñimimonderã, hareka vapytẽ verã tanimbupy.

Apocalipsis 11:6

Kova heshavare ĩmere mbaikatu mboty verã vate arare, haivimba verã haire Tũpa ĩñee iko verã mbeuteri ñynoĩra, hareka katu japojy reta yyvi tuvy, katuĩ mbyhasa'asyjyshu kuaretare opaĩ marãrãngatuva mbairasy porãmba'eite vekuapy hetajy haire potava rãĩmi.