3 Juan 1:10 - NandevaBiblia

¹⁰ Kova rehe, ahama apohyperã, amymandu'akapohekui maĩnunga japo vekuare rehe, hareka ñee porãmbavare hei'i yryreheva. Hokava ĩãrẽ, hai hentape myvãhẽãjy ñandyryvyre, Jesucristo hee mbeu'iare hareka potãã mbava myvãhẽ jyveshu reta, potatẽ mboryshuvare opa mohẽ tũpaovi.

3 Juan 1:10 Referans Kwoze

2 Corintios 13:2

Hãma arykai mbai porãmba japo'iare, hareka opaiteva, mbyry ãĩme'ãĩrã ambeujyshu reta, sheteiva ambeushuare mokueheape aha apyryresharã, hãrã ahajyrã mbaveãmapo ohojepeshikui ñunupa.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

3 Juan 1:5

Shyryvy ahaihuva, hekope kavi rãnga rijapo opaite rijapova rỹmbory jyve ñandyryvyre Cristo jyrojahearã, ajemaĩ yngaivi ouva retatẽ.

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

1 Timoteo 5:13

Hareka oparupi jyraha reta tijuparehupi, hareka ñatẽ'ỹ, ñee ryhevajy, opa mbaipe ichereii hareka jaitambaa rãĩmi heishu reta hapisha.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.

2 Juan 1:12

Hetatẽ ĩme'are mbai hai pee verã, tẽvã kuatia rupii shateỹ hai, ãhãrõĩ shetei aha apyryresha aijeta penendie verã hareka javya verã.

3 Juan 1:3

shara shymbyvy'aiteva hai ñandyryvyre jyveru mbeushe marãra riko hekopekavi hareka marãra ryvata añetevape.