2 Timoteo 4:8 - NandevaBiblia

⁸ Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

2 Timoteo 4:8 Referans Kwoze

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.

1 Pedro 1:4

Pipity verã maĩnunga Tũpa ĩmereva vate arapy, ñymbaimba verã, kyambava maĩrã jipimbava.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

1 Corintios 9:25

Opaite õñehãã verã, ijijokoshi porãmba japohe verã. Kova japo reta hipity verã korona me'ẽãva aremba ñymbaiva, tẽvã ñande ñañyhãã jahajaihe korona ñymbaimba verã.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

2 Timoteo 2:5

Kyrãi jyve ñanivape jykarera'iare, hekope kaviã ñanirã hipityãpo maĩnunga me'ẽã verã.

2 Timoteo 4:1

She aheja nde Tũpa hareka Cristo Jesús hỹnonde, oujy verã mburuvisha vasu rãĩmi jahehe verã hykoveteri'iare hareka manoma vekuare,

1 Timoteo 6:19

Kyrãrãpo heta mbai ĩmere ara kutyvejya pevarã, hareka katupo hipity tykove opamba verã.

1 Corintios 2:9

Tẽvã heiva rãĩmi Kuatia mbyparahavape: Tũpa myhẽvãshu opaite haihuvare pevarã, maĩnunga mbavamba heshava, henduva, hareka mbavamba pya mbijetaheva.

Apocalipsis 22:20

Kova ñee mbeu'iva hei: “Añeteĩte rãnga aijyserima”. Amén! Ei Sheja Jesús!

Apocalipsis 4:10

hokava 24 kuakuavare ĩñesu Tũpa hỹnonde hareka omombai reta opa ara hykovevape, tankare ñonoava mombo reta vapyhasepya hỹnonderã, hei:

Apocalipsis 4:4

Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

2 Timoteo 1:18

Ñandeja jyparekokue tõĩ hãndikui hokava arape. Nde rikuakavi marãra heta ñanymbory Éfesope.

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

Romano 8:23

Ha'ẽã hairetaĩ, ñande ñandijehetei jahasa'asy jyve, ajemaĩ ĩmematẽjare Espiritu tynonde me'ẽã ñandeva japity verãvaivi. Ñahãrõteñaĩ Tũpa ta'yrã ñandapo verãpe, hareka ñandyrete nohẽshi verã porãmba vekua.

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

Mateo 24:36

Tẽvã mbai arapera hareka mbaipeitera, mba'ety kuava, Tũpa jokueva retamba kuaa verã hareka Taymba kuaa verã, koñeĩpo kuaa Sheru.

Mateo 7:22

Hokava ara vãhẽmarã, hetapo'ẽ heisheva: “Sheja, Sheja, ndyreepe rãnga ore ñimiñe'ẽhate'i jyve, ndyreepe mohẽha'i mbaiposhyre, ndyreepe heta japoha mbaikavi heshaha verã”.

1 Tesalonicenses 5:4

Tẽvã pee shyryvyre pimeã pẽĩ pyntuape, pyndysapya verã Ñandeja jy'ara, ouva manãrõ'ia rãĩmi.

2 Corintios 5:2

Hãme rãnga ñanutũhẽ ñamondojai jaikoterijai ko oo ã'ẽvãperã, shara ñanykyrẽỹma jaha jaiko ñandero ara vate'õpe;

Lucas 10:12

Hãma hai pee: Ñimbivache arape, ko ñunupa hoka tenta pevarã pohyvepo kuaretare Sodomape'i vekua retaivi.

1 Corintios 3:13

Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

Filipenses 3:11

Kyrã aipota apity manovare mbyteivi apũãjy verã.

2 Tesalonicenses 2:8

Hãma heshahapokui hokava heko porãmba'ia, Tẽvã Ñandeja Jesús jyvarepohekui putũhẽi juruivi mondoherã hareka opapo hĩmbipekuepy jyvarehe oujyvape.

2 Timoteo 1:10

hareka ã'ẽ ijeshaka Jesucristo Ñanymondojepeva ourã rupii, mby'opa ñymano hareka nohẽ hĩmbipevape tykove opambava Ñee Kavi rupii.

Hebreos 12:11

Ãñete opaiteva ñunũpa ha'ẽã ñanymbyvyava myvãhẽãma ñanderã, hasy ñande. Tẽvã jaikuaa jyve Tũpa ñanymboihea meẽ ñandeva, jaikopo pyavapype hareka jajapopo haikaviva.