2 Timoteo 4:2 - NandevaBiblia

² ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

2 Timoteo 4:2 Referans Kwoze

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

Tito 2:15

Hỹnatu ñimiñeehe kovare, rỹmykyrẽỹ hareka rỹmbyhaikavi verã kuaretare. Avy heja mbava timbyhory ndyrehe.

1 Timoteo 4:13

Ahapeve, iko mbijetashu kuaretare Tũpa ĩñee, mboihe hareka mykyrẽyshu reta.

Apocalipsis 3:19

She rãnga ãĩngãtashu hareka anupa opaite ahaihuvare. Hãrã ñymykyrẽy hareka eijy Tũpa jykoty.

Tito 1:13

Añeteva hei; hãrã poshy ryheve ereshu reta, tantangãtu ñynoĩ verã jyrojakuepe.

2 Timoteo 2:21

Hãma ĩme'ẽ ñymyngyamba'õrã, ikoposhi pente timbipory haikavivapeĩ poryhava, tykove mbijicheava Ñandeja pevarã hareka Hai porypo japo verã heta mbai haikavi.

Galatas 6:6

Opaite mbo'eava ko ñee haikaviva rupii, opaite hipityva mbai kavi mbijaopoveshu mboirea.

Romano 12:12

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

2 Timoteo 3:10

Tẽvã nde Timoteo, rikuakavi apyrỹmboihea, aikova rãĩmi, mbai pota ajapova rãĩmi, airojakue, jyhaihukue hareka ñyhãrõkuaa, pyrãtãkue ajepyhe verã porãmba vekua,

1 Timoteo 5:20

Hãrã mbai porãmba ĩmeĩñoĩte japo'iare heheishu hetavare hỹnonde, hãrãpo henduvare kyje jyvekui.

Colosenses 1:25

Haikavipe verã, Tũpa japo shyhevi tũpao ambory verã, hai meẽsheva ajapo verã pyndyrehe, ambeu verã ĩñee,

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Hechos 20:7

Ara semana oñepyrõheape, ñymbatyha pãhã pyse'ãhã verã, haipe Pablo mboishu Jesús jyrojaheare. Ohojymapojy ĩrũ arajyaperã, pyhare mbytepeve ijeta.

Hechos 16:13

Pente putu'uava jy'arape õhẽhãshi tenta vãsu ohoha yy syryva hyvache, moa haikavi jurureha'ẽ verãpe, vapyha ijetahashu taupere haipe ñymbaty'õre.

Lucas 9:60

Jesús heishu: Ma'ẽĩhe manovare tiñoty hoka manova; tẽvã nde ekua mbeu ñee Tũpa ẽvãpe'õ ryheva.

Lucas 7:4

Haire ñymboja Jesús ẽvãpe hãrã heta jurure'asyshu retarã hei: Haikavi rãngapo rỹmborytẽ jyve kova huvisha;

1 Tesalonicenses 5:20

Avy pijahehe iko verã mbeu'ia.

Lucas 7:23

Vy'apo poimba jyroja shyreheva.

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

Hebreos 13:22

Shyryvyre, airurepe pyhendu verã ñyhãrõkuaa ryheve kova ñee ñymykyrẽyva ryheva mishĩĩ ambyparapeva.

Hechos 28:16

Vãhẽama ohoa Romaperã, huvishare ñonoshu reta pente oo Pablo ha'ĩ pyta verãpe, hãndi pente syndaro ñyngarekorehea.

Hechos 13:5

Hãrã vãhema jyraha Salamina he'iashuaperã, oñepyrõ Tũpa ĩñee mbeu reta Judiore ñymbatyseape oho jyve hipii reta Juan mborype veĩverãre.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

1 Tesalonicenses 1:6

Pee pikojyve ore ikohava rãĩmi hareka Ñandeja rãĩmi, Espiritu Santo meẽpeva vy'akue ryheve, ajemaĩ heta piko'asy.