2 Timoteo 3:6 - NandevaBiblia

⁶ Kyrãva reta rãnga mbytavyshu taupe kangyva porãmbape'iare, katumba ijijokova mbai porãmbaivi.

2 Timoteo 3:6 Referans Kwoze

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

2 Pedro 3:17

Hãme rãnga shyryvyre ahaihuva, opama pikuaa kova mbaire, pingareko pindijehe avy heko porãmbare pynymbytavykui hareka pirojakuepe haikavipeĩva pypoi pirojahekui Tũpa.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Judas 1:18

Hai reta rãnga heipe: “Ara japyape vãhẽserimarã, ĩmepo'ẽ kuaretare ñymbyhoryva mbai haikavivare hareka porãmbavaĩpo pota japo”.

Tito 1:11

Hokava retape katu rĩmichirĩrĩ, shara opa porãã ñono oope'õre, pyrỹmboi jyrehe mbai japuva ryheva mbyhepyapyshu verã kyrypoti hekopemba'õ.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

1 Corintios 12:2

Pee rãnga pikuaa ndei pirojarã, pyma'ẽĩhe pyndyrahaha ta'ãnga ña'ẽnguvare jykoty.

Marcos 4:19

tẽvã ojepy'apy ko yvy'ĩãrẽ'õreirã, jytavykashu iko katukue hareka pota hetare mba'ekue, kova opa ou ĩãrẽshi ñee hẽnduvarã, katoa ia.

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

1 Timoteo 6:9

Tẽvã pota ikokatuvare oa pyahã'ãvãpe mbai mbo'ahava rãĩmi, hãrã oa mbai potaraiviape hareka pyrỹmbaivape, kova mbai porãmba vekua, opa raha kuaretare ñymbai verã kyty hareka õñehundi verãpe.

Mateo 11:28

Pei she ãĩvape, opaite pee pynykangyva hareka ojepy'apyva, she apurũmbuputuupo.

Mateo 4:24

Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

1 Timoteo 5:6

Tẽvã taupe ĩme manoshia vya verãĩ pya mbijetaherã, manoma hykove ryheve.

Mateo 23:14

Hãrã pypavetepokui pyrỹmboi'ia hareka fariseore hapishatamba'iare! Pyheky piva ĩme manoshiare hoo haivi pymbyhasa verã puku rã ãngaĩ pirure. Hãrã pee pipity pokui ñunũpa pohyveva.