2 Timoteo 3:15 - NandevaBiblia

¹⁵ Manduahe nyndei ryheve rikuaa Tũpa ĩñee, nymboi verã hareka ndyraha verã ñymondojepeva kyty Jesucristo rirojaherã.

2 Timoteo 3:15 Referans Kwoze

Lucas 24:45

Hãma peajyshu reta pyare kuaa verãre mbyparaha vekua,

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Mateo 22:29

Jesús heishu reta: Tivisha rãnga pijavy. Pee pikuãã Tũpa ĩñee maĩrã Tũpa ñymbaikatu.

2 Timoteo 1:5

Shymanduahe marãra añeteĩte riroja, tynonde ĩmere vekua ndijary Loida hareka ndesy Eunice. Aikuaakavi nde kyraĩ rirojajy verã.

Lucas 2:40

Hãma sanjay syry oho hareka pyrãta, mbai kuaave oho seve, hareka Tũpa maĩkavihea ryheve.

Romano 16:26

Tẽvã ã'ẽ ñanymbykuaaka hokava japoa verã Tũpa ĩñeẽ mbeu'iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa.

Romano 1:2

Hai ĩñee meẽmaĩmba hokava Ñee Kaviva Tũpa ĩñee mbeu'iare rupii Mbyparahavare kyambavapy.

Hechos 10:43

Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

Lucas 24:32

Hãrã heijyre ijupe: Hendỹarambaje ñandypyape hai ijeta ou ñande pehupirã vekua hareka kuaaka ñande mbyparaha vekua?

Hechos 17:2

Pablo jypykuarã oho jyve Judiore ñymbatyseape, hãrã mbahapy putu'uava jy'arape, ijeta pohyheshu reta, kuatia mbyparahava poryvape.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Hechos 13:29

Opakavimã iko kuatiape mbyparaha heihevarã, mbyvejy reta kurusuivi hãrã ñoty.

2 Pedro 3:16

Kyrã opaite kuatia mbypara vekuape heihe, hai paũpe ĩme'ẽ javai jaikuakavi verãpe, mbaimba kuavare hareka jyrojakuepe kangyvare mbivavy. Kyrãĩ japojy reta ĩrũ Mbyparaha vekuare, hãme oupokui opa ohũndi verãre.

Lucas 1:15

Shara ndyray haipokui pente kuareta mbaivasuva Ñandeja hỹnonde. Ho'ũãpo vino pyrỹmyngauva, hareka ndeiteri oarãvãĩpo tynyhẽ Espiritu Santo.

Juan 5:47

Tẽvã pyrojãã Moisés mbypara vekuarã, hãmera marãpo pyrojajy shiñee?

Hechos 16:1

Pablo vãhẽ oho Derbe hareka Listraperã haipe hesha pente mbo'eharea, Timoteo he'iashua, pente taupe Judiova memby ko taupe jyrojava jyve Jesús Cristore, tẽvã tuu hai Greciape'õ.

Hechos 26:24

Kova mbai opa hei ijehe Pablorã, Festo sapuke: Rikuakuãã rãngari Pablo! Ny'ãranduiterã, nymbykuakuama'i!

Romano 2:27

Hãme rãnga Moisés mbypara vekua japovare nimbivachekapo, ajemaĩ pire chĩchĩhãmbatẽ haivare. Shara nde ndipire chĩchĩhãmatẽvã hareka ĩmematẽ ryreva Moisés mbypara vekua, mapemba pijapotẽã.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

Efesios 6:4

Hãrã pee terure, avy pijahe porããhe pyndyrayre pymbyposhy verã, koñeĩ pymbykuakuapo hareka pymboi jyvehe heko kavi verã Tũpa potava rãĩmi.

1 Timoteo 4:13

Ahapeve, iko mbijetashu kuaretare Tũpa ĩñee, mboihe hareka mykyrẽyshu reta.

2 Timoteo 1:1

She Pablo Jesucristo jy Apostol, Tũpa potavape hareka heiva ñee me'ẽãva tykove ryheva, ñahãrõñaĩva Jesucristo rupii.