2 Timoteo 3:14 - NandevaBiblia

¹⁴ Tẽvã nde opa mbaipepo rĩmypyrãta rikua vekuapy hareka nimbirojaka vekua, hãrã rikua kavirẽĩ mbavaivira opa rikuaa.

2 Timoteo 3:14 Referans Kwoze

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

2 Timoteo 2:2

Hãrã nde rỹhendu shyhevi hetavare hỹnonde, mbe'uka jyveshu kuaretare ryrojakatuva, katu mboishu verã jyve yngava hapishare.

2 Timoteo 1:13

Rehoĩpohe kyrã, pyrymbo'eaheva haikavivape, arỹmboiheva rãĩmi, jyrojakuepe hareka jyhaihukuepe ĩmejareva Jesucristo rupii.

1 Tesalonicenses 1:5

Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 6:11

Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

2 Timoteo 3:15

Manduahe nyndei ryheve rikuaa Tũpa ĩñee, nymboi verã hareka ndyraha verã ñymondojepeva kyty Jesucristo rirojaherã.

Romano 14:5

Ĩme'ẽkuei pente ara mbivavyva, tẽvã ĩme'ẽjykuei heiva ara jyvacheĩva. Hãme rãnga pypyape pyrojava pymypyrãnta jyvyĩpo.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

Tito 1:9

Tantapo'ẽhe ñee añeteva, mbarakua verã jyve yngava arakua kavivapy hareka roja verã yngare ñee ñymbyvaisho'iheare.