2 Timoteo 2:24 - NandevaBiblia

²⁴ Hãrã pente Ñandeja jokuerea katuãpo iko ñyrãrõpe, opava retapo pya kavi hãndi, katupo pyrỹmboi hareka hãrõ kuaapo,

2 Timoteo 2:24 Referans Kwoze

Tito 3:2

Avypo mbava ijeta porããhe yngavare hareka avypo potaĩ ñyrãrõjyre, pyryraihupo, heshakapo heko kavikue opaite kuareta retape.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

1 Tesalonicenses 2:7

Kyrãtẽ verã, kapyry ñyngarekoha pyndyrehe, tesy membyre ñyngareko kavihea rãĩmi.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

Colosenses 3:13

Pyma'ẽĩ pijehe, pyhejareii ijuhuvi ĩme'ẽ yngava hapishare poshyshuarã. Kyrã Tũpa hejareii pyheviva rãĩmi pyhejareii ijuhuvi.

Filipenses 2:14

Opa mba'e pijapo pijetakavivape hareka pijakambava ryheve.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Efesios 4:2

Peñemomishĩgãtu, pijyhaihu hareka piñyharõ kavi hareka piñymbory katu jyhaihupe.

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

Tito 1:9

Tantapo'ẽhe ñee añeteva, mbarakua verã jyve yngava arakua kavivapy hareka roja verã yngare ñee ñymbyvaisho'iheare.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

Hechos 7:26

Pareejyrã, Moisés hesha mokue Israelitava ñyrãrõ ñynoĩrã, hareka pota jocharerã hei: Pee rãnga pente'ovare, mãrã'ĩrãra pindijupii pirãrõpẽĩ?

Mateo 12:19

Ñyrãrõapo hareka sapukeãpo, mba'etypo henduva ijeta kovare vataha'õĩpi.

Santiago 4:2

Pee rãnga pipota maĩnunga katumba ĩmepyreva. Pynytynyhẽ mbai potakue pipitymbava maĩnunga hãrã pupuruka, hokava rehe piñyhãã hareka pirãrõ. Pyvaheãshu pipotava shara pirureãshu Tũpa.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,

Hechos 23:9

Opa sapuke reta, haipe ĩme'ẽ jyve Moisés mbypara vekua pyrỹmboi'iheare fariseova, pũã retarã hei: Ko kuimbai rãnga japoã porãmba. Ĩmerã Tũpa jokueva hareka espiritu ijetashu.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

2 Corintios 10:4

Ñyrarõhãrã poryhãã ko yvy'ĩãrẽ'õ, Tũpa ñymbaikatukue rãnga poryha, hokava hai jepyheva opaite mbai ñymypyrãta'õ.

Hechos 15:2

Pablo hareka Bernabé pya ohoãhe reta, hãrã hokava rehe heta mbai hei ijupe reta. Hãma Tũpa jyrojaheare Antioquiape'õre mondo reta Pablo hãndi Bernabé hareka ynga reta mi'ĩrũ verã Jerusalenpe, kova mbai rehe jyraha apostolre hareka kuakuavare ẽvape ijetahe hãndi verãre.

Juan 6:52

Haipe Judiore ha'ire ijeta pohyjyre ijupiirã hei: “Marãrapo ko kuimbai ha'i hoo ho'uka ñande?”

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;