2 Timoteo 2:21 - NandevaBiblia

²¹ Hãma ĩme'ẽ ñymyngyamba'õrã, ikoposhi pente timbipory haikavivapeĩ poryhava, tykove mbijicheava Ñandeja pevarã hareka Hai porypo japo verã heta mbai haikavi.

2 Timoteo 2:21 Referans Kwoze

2 Timoteo 3:17

Kyrã kuimbai Tũpa ryheva ñy'arãndu verã hareka hekopekavi mbai haikavivaĩ japo verã.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Juan 3:3

Opaite Hai hãrõ'õ reta, ñymbyheko ky'ãpo, hai heko kyamba rãĩmi.

2 Timoteo 2:20

Pente oo tivisha'õ ipe, ha'eã ẽẽva maĩnunga ita verava ijuva hareka ita verava tĩĩva, ĩme'ẽ jyve maĩnunga yvyraivi hareka tujuivi japohava, pentevare hai mbai haikavivapẽĩ poryhava, hareka ĩrũre hai ĩmerãẽva'õpeĩ poryhava.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

1 Pedro 1:7

Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

1 Corintios 5:7

Hãrã pyheky pindijuhuvi hokava pãhã mby'ouka tuja vekua, iko pyndyhevi verã harina muhũ'ũã py'ahuva mby'ouamba. Ãñete rãnga pee hai pãhã mby'ouamba Pascuape ho'uava. Shara Cristo, hai Avisha ñande Pascuapeva ñandyrehe jukaha vekua.

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Tito 3:1

Opaiteva mymandu'akahe tiñiñono jyve huvisharã'õre ipope, ñee tyhendu hareka õĩñoĩpo japo verã haikaviva.

2 Corintios 9:8

Tũpa rãnga hai pyrãtava opa mbaipe, mbyhetape verã opa mbai haikaviva, ĩmepyre verã opa mba'e mba'etypyreare, kyrã pymbory verã jyve mbai mba'etyreare.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

2 Timoteo 2:16

Avy jasakahe ñe'ẽkuerei, shara kyrã ijeta'iare porã'ãĩtevepo jyraha jyre,

2 Timoteo 4:11

Koñeĩ Lukas ĩme'ẽ shendie. Heka Marko hareka ei hãndikui, shara hai katu shymborykui mba'apope.