2 Timoteo 2:19 - NandevaBiblia

¹⁹ Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

2 Timoteo 2:19 Referans Kwoze

Juan 10:14

She hai avishare ñyngareko'ihea pya kaviva; she aikuaa shy'avishare, hãrã haire shykuaa jyve.

1 Corintios 8:3

Tẽvã ĩme'ẽ Tũpa haihuvarã, hokava Tũpa kuaamashu.

Lucas 13:27

Tẽvã hai heipo pee: “Haima rãnga pee, she aikuamba maĩvi peivara pee. Pysyry shyhevi pee porãmba japo'iare!”

Galatas 4:9

Ã'ẽ pikuamashu Tũpa, maĩrã haikavivera jairã, Tũpa pyndykuarã. Hãrã, marã'ĩrãra peijypo paykue pikojy verã arykai, piko vekua rãĩmi, pijokuekapeishu mbaikatu pyrãtamba hareka ãñetemba?

Apocalipsis 3:8

Opa aikua rijapova. Kope apeande pente õche mbavamba katu mbotyva hareka ajema nypyrãta nungambatẽva rijapo shiñee hareka rĩñomiãjy shyree.

Apocalipsis 22:4

Hareka Tũpa hova opaitevapo hesha, heere syvarepo mbyparaha.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.

Mateo 7:23

Tẽvã she haiposhu reta: “Mapeã rãnga apyrykuaa. Pysyry shyhevi, pee mbai porãmba japo'iare!”

Efesios 3:15

opa mbai ẽvã japo vekua, arare hareka yvy'ĩãrẽ,

Romano 15:20

Tẽvã añehããñoĩ ambeu Ñee kaviva, Cristo ryheva henduambaipi, potãã yngavare jypyrã ñono vekua ĩãrẽ ãmupũãjyrã.

Hechos 15:17

Hareka kuaretare yvy'ĩãrẽ'ẽvãre hekashu verãre Ñandeja, haivi ñymbyhetave verã shyreepe pyhỹrõãvare.

Mateo 7:25

Haivi ou haivirã, ysyry jitivisha, yvytu ñakua pejurã oho'ẽhe oo, tẽvã o'ãã, shara ita vasu jypyrã'ẽshurã.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

Romano 12:9

Añetevapepo ñandapisha jahaihu. Pimbijiche mbai porãmba hareka haikavivaĩ pijapo.

Marcos 13:22

Shara oupo Cristo rã'angarã'ia hareka Tũpa ĩñee mbeu'ia japureiivare, hetapo japo mbai heshaha verã hareka mbaikavi heshaha verã pyrỹmbytavy verã, Tũpa pyhỹrõva retavepo mbytavy.

Romano 9:11

Hareka ndei oa retarã, nde'iave japo reta mbai haikaviva maĩrã porãmbavarã, hareka Tũpa potava ẽẽ verã hai pyhỹrõva rãĩmi hareka ẽãhe kuareta japova, koñeĩ hẽnoãva rupii.

1 Timoteo 6:19

Kyrãrãpo heta mbai ĩmere ara kutyvejya pevarã, hareka katupo hipity tykove opamba verã.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

Hechos 9:14

Hãma ã'ẽ vãhẽ ou kope pai juhuvishare kyrã heishurã, raha mbyperesoka verã opaite ndyree heno'iare.

Juan 13:18

Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

Romano 11:2

Tũpa hejareiã henta ĩrũ Israel hai arykaivaĩ pyhỹrõ vekua. Pikuããra jyve kuatia mbyparahavape heiva rãĩmi Elías rehe? Marãramba hei arykai pya jyrova Tũpa hỹnonderã Israelva retare? Tũpape ñymboirã? Heirã vekua:

Lucas 6:48

Ova pente kuimbai hoorã japo verã, joo rãnishu yvykua hareka kype japo mỹvãhẽshu peve ita, hãrã ñono hoo jypyrã ita iãrẽ. Haivi sapy'ãi ou yy syry pyrãntava hareka ñunupahe oore, tẽvã katuã mungu'ẽã shara tanta mbyvapyha ita'iãrẽ.

Romano 15:9

Hareka haimbava Judiore jypareko rupii pyraheshu verã Tũpa, kuatia heiva rãĩmi: “Hãme rãnga ãrẽmombaipo tentare mbyteipi hareka apyrahepokui mbyrahere ndyreepe”.

Apocalipsis 21:14

Tenta mangorahapya ĩmere 12 jypyre hareka ĩãrẽ ẽẽ 12 tyreere 12 Avisha Ray jy'apostolre hee.

Hebreos 11:10

Shara Abraham jyroja katu mbai arape hesha verã hokava tenta ĩmereva jypy tanta'õ, Tũpa hai myha'ãngava hareka mupuã verã.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Juan 3:33

Tẽvã ĩme'ẽ rojavarã, my'ãñete Tũpa heiva,

1 Timoteo 3:15

kova kuatiape, sapyareii yrẽ'ãã aharã, rikuaa verã marãrapo ryraha Tũpa jy'tupao, hokava rãnga hai Tũpa hykoveva tũpao, jytasohea hareka mbai añeteva mirãta'õ.

Marcos 12:16

Hãrã verushu reta, Jesús hesharã pyrãndu: Mbava hova hã'ãngara hareka heera ẽhe? Haire heishu: Mburuvishavasu Cesar.