2 Pedro 3:10 - NandevaBiblia

¹⁰ Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

2 Pedro 3:10 Referans Kwoze

Apocalipsis 21:1

Hãme ahesha pente ara vate'õ py'ahuva hareka yvy py'ahuva, shara ara vate'õ hareka yvy tynonde ẽvãre mba'etyma, kyrãĩjy yyvasure.

Mateo 24:35

Ara hareka yvy opapokui, tẽvã shiñee opããpokui.

2 Pedro 3:7

Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

Apocalipsis 16:15

Pymaĩ, manarõ'ia rãĩmipo aijy. Vy'apo shy'ãrõ õva hareka mondea natuva, mahẽ nanitei vãhẽashukui hareka heshaha ñynoti.

1 Tesalonicenses 5:2

Pee rãnga pikuaa kavi Ñandeja oujy verã ara, vãhẽpo hãrõãveãma'ẽrã, manarõ'ia ouva rãĩmi pyntumarã.

Marcos 13:31

Ara hareka yvy opapo, tẽvã shiñee opããpo hai.

2 Pedro 3:12

Pyhãrõ hareka pyndypyavive pipota tyvãhẽ Tũpa jy'ara. Hokava arape, ara vate'õ õñehundipo tatape hareka opa mbai vate arare'õre opapo shyryry tatape.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.

Lucas 12:39

Hãma pikuaa kavi kova: Oo ija kuaa mbaiperapo ou manarõ'iarã, ochẽãpo'ẽ hãrã ma'ẽĩãpohe iche ho'ipe manarõshu verã.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

1 Corintios 5:5

hokava kuimbai pymeẽshu Satanás, jyvarehe verã hete, hãmeĩpo hykove ohojepekui Ñandeja Jesús oujymarã.

Romano 8:20

Opaite japoha vekua ãñete opareii, ha'ẽã hai kyrã potarã, Tũpa kyrã potarãmeĩ rãnga; tẽvã japoha vekuare ĩmeteri'ẽshu ñyhãrõkua,

Judas 1:6

Hareka Tũpa jokueva ẽẽmba vekuare õĩ verãpe, koñeĩ opa heja reta ha'eire hoo, Ñandeja mbypereso ñono timimbiape hareka opa ara ñimbivacheha ara vãhẽmarã.

2 Corintios 1:14

kyrã ã'ẽ peñepyrõma pikuaa yryhevi, pee jyve pyvy'apo yryrehekui, orejyve vy'ahapo pyndyrehekui Ñandeja Jesús oujymarã.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

1 Tesalonicenses 5:4

Tẽvã pee shyryvyre pimeã pẽĩ pyntuape, pyndysapya verã Ñandeja jy'ara, ouva manãrõ'ia rãĩmi.

2 Pedro 3:11

Kyrãpo opa mba'e õñehundirã, marã'ĩrãra pikoãte tykove kyambape hareka Tũpa potava rãĩmi?

Apocalipsis 6:14

Hãrã ara syryjy ẽvaivi kuatia mbapu'ahajya rãĩmi, opaite yvyturusu hareka yy hỹmbey'õmi ẽvã rãĩmi yngaty rahajy.