2 Pedro 1:8 - NandevaBiblia

⁸ Opaite kovare hehetavepyrerã hareka kyrã pikorã, pikoreiveãmapo hareka pikuakavimaposhu Ñandeja Jesucristo.

2 Pedro 1:8 Referans Kwoze

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Juan 15:2

Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

Filipenses 1:9

Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

1 Tesalonicenses 4:1

Ã'ẽ, shyryvyre jurureha hareka pymykyrẽ'ỹha Ñandeja Jesús heepe; pupuãve pekua opa ara teko haikavivape pikuava rãĩmi, pymbyvya verã Tũpa, pijapoma pẽĩva rãĩmi.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

2 Pedro 1:2

Airureshu Tũpa, vãhẽpe verã hetave jyhaihukue hareka ma'ẽĩhe piko verã pyavapype, Tũpa pikuashuva rupii hareka Ñandeja Jesucristo.

Filemon 1:6

Jyroja katuhe Ñandeja, ore rãĩmi. Hãme rãnga airure Tũpa rirojañoĩhe verã opa mbai haikaviva rikuaapeve jajapo verã Cristo jahaihurã.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

Filipenses 2:5

Piko Cristo iko vekua rãĩmi hareka pijapo hai japo vekua rãĩmi:

2 Corintios 13:5

Pymaĩ kavi pindijehe pikuaa verã pynypyrãtara pẽĩ jyrojakuepe, pypya pimbijeta. Pijykuaarã Jesucristo ẽvã pyndypyape? Ajemapo pyndypya hã'ãha!

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

2 Corintios 9:14

Hareka haire jyhaihukue ryhevepo ñymboi pyndyrehe, jyparekokue Tũpa heshakapeva rehe.

2 Corintios 8:2

Hasa'asytẽvare, vya reta; pavetetẽvare, haihumba ryheve meẽ reta kyrypoti, hetareva rãĩmi.

1 Timoteo 5:13

Hareka oparupi jyraha reta tijuparehupi, hareka ñatẽ'ỹ, ñee ryhevajy, opa mbaipe ichereii hareka jaitambaa rãĩmi heishu reta hapisha.

1 Tesalonicenses 3:12

Hareka Tejapo japo pyrehe pijaihuve peho verã hareka opaitevape pyhaihu verã, ore pyndyraihuhava rãĩmi.

2 Corintios 8:7

Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.

Romano 12:11

Kyrẽ'ỹpe pymba'apo hareka avypo pate'ỹ. Pymba'apo Tũpa pevarã, kyrẽ'ỹpe.

Juan 5:42

Tẽvã she apyrykuaa kavi, hareka aikua Tũpape pyhaihuã.

Mateo 25:26

Haipe ko pyrokue'ia hei: “Jokuehareirea ñarõva, ñatẽyva, rikuamba amynova ãĩmitymba aivaipi hareka ambaty ãmomohẽmbaipi.

Mateo 20:6

Haivi ka'aruitemarã hykuãĩ õhẽ ohojy plazape, heshajy haipe mbaimba japo'õre, hãrã heishu reta: “Marã'ĩrãra pee pikorei mbaimba pijapopẽĩva?”

Mateo 20:3

Haivi kõ'ẽĩ nũnga õhẽjyrã heshajy ikorei'iare plazape.

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Filipenses 3:8

Ã'ẽ ahesha kavi kova maĩnunga yty rãĩmi, shara haikaviveshe Cristo Jesús Sheja aikuaarã hareka ãmombo ytype kova maĩnungare, ĩme'are verã Cristo, kyrã Tũpa pota ñandyhevi.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

2 Pedro 2:20

Shara kuaashuvare Ñandeja hareka Pyrỹmondojepe'ia Jesucristo, katuveãmapo iko mbai porãmba japo'iare rãĩmi ko yvy'ĩãrẽ'õ; tẽvã hokava mbaipe jypokuarã hareka hykuaĩ mbai porãmbape ẽẽjyrã, porã'ãĩtevepo pyta jypyite õñepyrõ vekuaivi.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.