2 Pedro 1:17 - NandevaBiblia

¹⁷ Shara ore haipe ĩmehã'ẽ jyve Tũpa Teru õmombai vasushurã. Henduha hokava Tũpa ĩñee hĩmbipeva rupii: “Kova hai shyray ahaihuva, hai reheĩ avyava”.

2 Pedro 1:17 Referans Kwoze

Marcos 9:7

Haipe sapy'ãĩ vejy ĩãrẽ ãvãpỹntu, opa jasoi reta. Hãrã ãvãpyntuivi ñyhendu ñee heiva: Kova hai Shyray ahaihuva, pijaposhu heiva.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Lucas 3:22

Haipe ijyhesha vejy Jesús iãrẽ Espiritu Santo pykasu rãĩmi, haivi iñyhendu vate araivi pente ñee heiva: Nde hai Shyray ahaihuva, ndyrehe shypya hory.

Marcos 1:11

Hãma iñyhendu pente ñee ouva vate araivi heiva: “Nde hai Shyray ahaihuva, nde rupii shypya hory'ẽ”.

Mateo 12:18

Kova hai ajokueva apyhỹrõ vekua, she ahaihushu hareka shymbyhoryva. Añonopohe she Espiritu ĩãrẽ, hai mbeupo hekope kavi'õ tenta retaipi.

Juan 3:35

Tũpa rãnga haihu Tay, hãrã opa mba'e ñono hai ipope.

Juan 5:26

Shara Tuu ĩmere ijehe tykove, kyrãĩ jyve Tay, meẽshu tykove hai reko ijehe verã.

2 Juan 1:3

Tũpa Teru hareka Tyray Ñandeja Jesucristo, maĩkavipo pyndyryhe, hareka meẽpope jyparekokue hareka pyavapy, añetevape hareka jyhaihukuepy.

Lucas 10:22

Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

2 Corintios 1:3

Tomomba'ea vasu Tũpa, Ñandeja Jesucristo Tuu, meẽva jyparekokue hareka ñanymbyvyava.

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Juan 6:39

Hareka kova hai Sheru shymbou vekua potava; ãmykañymba verã hai meẽsheva, koñeĩ amynguerajy verã ara japyape.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Juan 10:36

Tũpa shypyhỹrõ hãrã shymbou yvy'ĩãrẽ: Hãmera marã'ĩrã pere, she aijeta porãmbahea, Tũpa Tay she hairãme?

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 10:15

Sheru shykuaa kavi, hãrã she aikuaa kavi jyveshu Sheru. Kyrãĩ aikuaa kavi jyve shy'avishare; hãrã haire shykuaa kavi jyve hareka she añono shyrykove shy'avisha retare.

Mateo 17:3

Haipe ijeshaka reta Moisés hareka Elías, ijeta ñynõĩ hãndirã.

Juan 14:11

Shyroja rãngapopi Sheru hãndi pentevãĩ orerã, hareka Sheru shypyape'ẽvã, kova pyrojãarã opava maĩnunga ajapo vekuaĩ pyroja.

Juan 6:37

Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Romano 15:6

opaiteva, pente ñeepeĩ pemombai verã Tũpa hareka Ñandeja Jesucristo Tuu.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Juan 5:20

Shara Teru haihu Tay, hãrã opa mbai heshakashu hai japova rupii; hãmã heshakave teriposhu maĩnunga tivishaveva, kyrã mbyrypymãĩ verã.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,