2 Juan 1:1 - NandevaBiblia

¹ She Juan, shyryvyre Tũpa pyhỹrõ vekua pevarã hareka memby retape añetevape apyryraihu, ha'ẽã sheĩ, opaite añeteva kuava reta rãnga jyve,

2 Juan 1:1 Referans Kwoze

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.

1 Timoteo 2:4

shara hai pota opaite kuaretare ohojepe, hareka kuaa kavive añeteva ryheva.

Juan 8:32

Pikuapokui añeteĩteva. Hãrã añeteĩteva opapo pindijorashi mbai pyndyrekova ipope.

2 Juan 1:5

Ã'ẽ airure'asype shyryvyre ha'eã ñee py'ahuva japoa verã ambyparapeva, arykaivaĩ me'ẽha ñande vekua rãnga, opaiteva jaijyhaihupaveĩ verã.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

2 Juan 1:13

Niindy membyre, Tũpa pyhỹrõva, nymymarãndu.

1 Juan 2:21

Ambyparape kova kuatia, ha'ẽã pikuãã añetevarã, pikuaa rãnga jyve, hareka pikuaa mba'ety japuva õhẽ verã añetevaivi.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

Hebreos 10:26

Poiã jajapo mbai porãmba ñandeĩ jaipotarã añeteva jaikuamatẽvã, mba'etymajy yngava ñameẽ verã mbai porãmba vekuare heky verã.

Galatas 5:7

Pee rãnga peñepyrõ kavitẽ kueve. Mbavara akuarã pindijoko pypoi pijapo verã añeteva?

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Galatas 2:14

Hãme aheshama haire ikoã ñee kavi añeteva heiva rãĩmirã, opavare hỹnonde ãĩngãtashu Pedro: “Nde Judiova, rikori Judio retamba ndeva rãĩmi, marã'ĩrãra akuarã pota rĩmiñerã Judiombare, iko verã Judio rãĩmi?”

Galatas 2:5

Tẽvã õĩhãã haire pyrỹmboivape sapy'aiteimbaa, shara potañoĩ Ñee kavi añeteva ẽẽ yrypyape.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Lucas 1:3

She rãnga aikohe aikuaa kavirãni verã jypyiterãvãĩ, hãrã haikavishe ambyparande verã kova mbai hendape kavi, nde Teofilo,

Hechos 11:30

Kyrã japo retarã, Bernabé hareka Saulo rupii rahaka reta Tũpape me'ẽãva, kuakuavare Judeape'õre pevarã.

Romano 16:13

Pymarãndushu Rufo, Ñandeja pyhyrõ vekua hareka ishype, hai jyve shesy rãĩmi areva.

1 Pedro 5:13

Babiloniape ñymbatyse'iare pynypyhyrõha hãndiva hareka jyve shyray Marcos, mondope marãndu.

3 Juan 1:1

She Juan, akuakuamava ambyparashu kova kuatia, shyryvy Gayo añete ahaihuva.