2 Corintios 9:2 - NandevaBiblia

² Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

2 Corintios 9:2 Referans Kwoze

2 Corintios 8:10

Kovape ameẽpope arakuaa: Pee rãnga ãño hasa vekuapevãĩ peñepyrõ, ha'ẽã kova mbai pijapoĩñoĩtẽva, kyrẽ'ỹpe rãnga pijapo.

2 Corintios 8:8

Ha'ẽã katu pijapoñoĩ verã she hai peeva. Pota rãnga aheshakape marãra yngavare opa ñymykyrẽỹ jyve, pyheshaka verã jyve marãra pyhaihu papishare.

2 Corintios 8:24

Pyheshakashu reta jyrojavare jyhaihukue ĩmepyreva, tũpao mondovare kuaa verã jyve hareka reiãã airoja'ai pyndyreherã.

Hebreos 10:24

Hãrã ñañehããpo opaiteva jajepy'apy ijehe, hareka jaijyhaihu, hareka mbai haikavivaĩ jajapo.

1 Corintios 16:15

Shyryvyre pee pikuaakavi Estéfanas henta'ĩrũre hai tynondeite jyrojava Acayape, hareka haire mboryñynoĩ opaite ñandyryvy jyrojavare.

1 Tesalonicenses 1:7

Hãme rãnga iko pyndyhevi heshaha verã opaite Jesucristo jyrojahevare pevarã ikova tenta Macedonia hareka Acayape.

2 Corintios 8:19

Ha'ẽã kovaĩ, Jesucristore jyrojavare yngava tũpaope'õre pyhỹrõjy reta ohoa hãndi verã, hareka yrỹmbory rahaha verã hareka ñyngarekohahe kova pymbatyva Ñandeja pota ñamombairã, hareka jaheshaka pota ñapyrỹmboryva.

2 Corintios 7:4

Kyjembape aijeta'ãĩ penendie hareka airoja'ãĩ pyndyrehe. Opa mba'e ahasa'asy vekua mbytepe, shykyrẽ'ỹ hareka avy'a.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

Hechos 18:12

Tẽvã Galion huvisharãteri'ẽ Acayaperã, Judiore ĩñiñono pente ñeepe pũãhe reta Pablo, haivi raha huvishare hỹnonde,

Hechos 24:17

Heta ãño aiko mamaĩpi, haivi aijy shyrẽntape ameẽ verã maĩnunga shyrẽnta'ĩrũ retape hareka ambishaka verã Tũpa pevarã.

Romano 15:26

Shara Macedonia hareka Acayape'iare ha'eire mbaty reta ofrenda heshakapy verã jyparekokue pavetevare pevarã ẽvã ñandyryvyre heko kyambare mbytepe Jerusalenpe'õre.

2 Corintios 7:14

Ãmarãã Tito haishu airoja pyndyreheva. Kyrãtẽ verã, opaite ore he'ihape vekua hai añeteva, hareka kyrãi jyve Tito he'iashu vekua pyndyrehe ha'ĩjy añeteva, yrỹmbyhorypi.

2 Corintios 8:11

Hãrã ã'ẽ opapo pijapo kyrẽ'ỹpe hairãã peñepỹrõrã vekua rãĩmi, ĩmepyreva katu pymeẽvapo, pymeẽ.