2 Corintios 8:8 - NandevaBiblia

⁸ Ha'ẽã katu pijapoñoĩ verã she hai peeva. Pota rãnga aheshakape marãra yngavare opa ñymykyrẽỹ jyve, pyheshaka verã jyve marãra pyhaihu papishare.

2 Corintios 8:8 Referans Kwoze

1 Corintios 7:6

Kova arakuaa sheii ameẽpe. Ha'ẽã japoha verã, pijapoñoĩ verã.

Hebreos 10:24

Hãrã ñañehããpo opaiteva jajepy'apy ijehe, hareka jaijyhaihu, hareka mbai haikavivaĩ jajapo.

2 Corintios 9:7

Pepenteĩ tymeẽ pyape ñanduva rãĩmi, avypo meẽ vyamba ryheve, ha'ẽã miñerãhãherã, shara Tũpa haihu vy'ape mbai meẽva.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

Efesios 4:15

Haikavive rãnga jaiko jyhaihupe, hareka añeteva haykue, jyvache ñapuã verã hekope kavi Cristo hãndi. Haiteiva rãnga tũpao ñaka.

2 Corintios 9:2

Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

2 Corintios 8:24

Pyheshakashu reta jyrojavare jyhaihukue ĩmepyreva, tũpao mondovare kuaa verã jyve hareka reiãã airoja'ai pyndyreherã.

2 Corintios 8:10

Kovape ameẽpope arakuaa: Pee rãnga ãño hasa vekuapevãĩ peñepyrõ, ha'ẽã kova mbai pijapoĩñoĩtẽva, kyrẽ'ỹpe rãnga pijapo.

1 Corintios 7:25

Taupe omendambaterivare mba'ety'are japoha verã Tũpa ryheva ambeushu verãre, tẽvã haiposhu reta, hareka katu piroja shyrehe, Ñandeja meẽshe shyparekorã jyrojaha shyrehe verã.

1 Corintios 7:12

Yngavare sheiipo haijyshu, ha'ẽã Ñandeja: Ĩme'ẽ ñandyryheva rekoreva pente taupe Jesús jyrojambahearã, hai potaite ikoĩ'i hãndirã, avy typoishi.

Romano 12:9

Añetevapepo ñandapisha jahaihu. Pimbijiche mbai porãmba hareka haikavivaĩ pijapo.