2 Corintios 8:7 - NandevaBiblia

⁷ Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.

2 Corintios 8:7 Referans Kwoze

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

2 Corintios 9:8

Tũpa rãnga hai pyrãtava opa mbaipe, mbyhetape verã opa mbai haikaviva, ĩmepyre verã opa mba'e mba'etypyreare, kyrã pymbory verã jyve mbai mba'etyreare.

Filipenses 1:9

Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

2 Corintios 8:6

Hãmeara jururehashu Tito, hai õñepyrõ vekua opa japo verã pymbytepe, kova mbai kavikue pijapova.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 4:7

Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

1 Corintios 1:5

Hai rupii rãnga Tũpa meẽpe pikatu pijeta verã hareka pikuaa verã heta mbai.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

2 Corintios 9:14

Hareka haire jyhaihukue ryhevepo ñymboi pyndyrehe, jyparekokue Tũpa heshakapeva rehe.

2 Corintios 7:7

Ha'ẽã vãhẽ ourãmeĩ, hai rãnga kyrẽ'ỹ jyve pyndyrehe. Hai mbeu ore marãra pee potatẽ yryreshapi jyve, marãra pyvy'ãpi hareka pejepy'apy shyrehe, opaite kova mbai shymbyvyavejy.

1 Corintios 14:12

Kyrã jyvepe; shara pipota pipity Espiritu Santo meẽvarã, piñyhãã katu pipity verã opaite maĩnunga mypyrãta verã tũpaope'õre.

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

Apocalipsis 3:17

Tẽvã nde rere rikokatuva, opa mbai ohokavindea, tẽvã rikuãã rymondo ndijehe rymbasy verã hareka mbai mba'etyape, ndypavete, ryheshamba kũvaĩpi hareka nynaniã.

Hebreos 12:28

Hãma, me'ẽha ñande pente huvisharã'õ my'õmyhambava. Hãrã ñamombaiposhu Tũpa jyhaihukuepy hareka ñambyvetepo hai pya ohoherã myvãhẽva.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

Mateo 25:22

Haivi ou jokuea rea 20 mil ĩmere vekua hãrã hei: “Sheja, 20 mil rãnga rỹmeẽ she, hãma arujynde 20 mil ĩãrẽve amimoñajyva”.