2 Corintios 8:10 - NandevaBiblia

¹⁰ Kovape ameẽpope arakuaa: Pee rãnga ãño hasa vekuapevãĩ peñepyrõ, ha'ẽã kova mbai pijapoĩñoĩtẽva, kyrẽ'ỹpe rãnga pijapo.

2 Corintios 8:10 Referans Kwoze

Hebreos 13:16

Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

2 Corintios 9:2

Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

1 Corintios 7:40

She pevarã haikavivepo ĩmeãjyrã, hareka aroja ĩme'areva jyve Espiritu Tũpa ryheva.

1 Corintios 7:25

Taupe omendambaterivare mba'ety'are japoha verã Tũpa ryheva ambeushu verãre, tẽvã haiposhu reta, hareka katu piroja shyrehe, Ñandeja meẽshe shyparekorã jyrojaha shyrehe verã.

Filipenses 4:17

Ha'ẽã rãnga aheka'aijyva ynga me'ẽãreiva; koñeĩ aipota me'ẽãjype hekovia pymeẽ she vekuare.

2 Corintios 8:8

Ha'ẽã katu pijapoñoĩ verã she hai peeva. Pota rãnga aheshakape marãra yngavare opa ñymykyrẽỹ jyve, pyheshaka verã jyve marãra pyhaihu papishare.

1 Corintios 16:2

Domingoma'ẽrã, pepenteĩ timbijiche kyrypoti, hipityva rãĩmi, mahẽ ahamarã ajera pymbatypijykui.

2 Corintios 12:1

Ãñete, mba'ẽã ñambijehu ñandeĩ jaijeta jai ñandijeherã. Tẽvã kyrãñoĩpo aijetahe shyresape ouva hareka Ñandeja shymbyheshakava.

Juan 11:50

Pyheshããra, haikavivepopekui pente kuimbai mano opava reherã, mahẽ opaite tentare jyvareahekui.

Mateo 10:42

Ĩme'ẽ meẽva yy rỹ'ỹsami amboi'areaperã, ãñete hai pee Tũpa myngoviañõĩposhu.

1 Corintios 10:23

Opa mba'eara katu jajapo, tẽvã opa mba'ẽã haikavi. Opa mba'e katu jajapo, tẽvã opa mba'ẽã haikavi japo ñandyrehe.

1 Corintios 6:12

Opa mba'e rãnga ẽẽshe ajapo verã, tẽvã opaĩñoã haikavi she; opa mba'e katu ajapo, tẽvã ama'ẽĩãpo kova maĩnungare jepy shyrehe.

Juan 18:14

Ko Caifas rãnga heimbashu Judio juhuvisha retape, haikavivepo penteĩ kuimbai mano opava rehe.

Juan 16:7

Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.

2 Corintios 8:6

Hãmeara jururehashu Tito, hai õñepyrõ vekua opa japo verã pymbytepe, kova mbai kavikue pijapova.