2 Corintios 8:1 - NandevaBiblia

¹ A'ẽ shyryvyre, aipota ambeupe marãra Tũpa heshaka jyhaihukue hareka pya kavikue tũpao retape ẽvã Macedoniape.

2 Corintios 8:1 Referans Kwoze

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

1 Tesalonicenses 4:10

Kyrã rãnga pijapohe opaite pyndyryvyre ẽẽva tenta Macedoniape. Tẽvã jururehajype shyryvyre pijyhaihukue tupuãve toho opa ara.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

Hechos 16:9

Haipe Pablo pyhare hesape'ẽ pente kuimbai Masedoniape'õ ñymbou'ẽ hareka jurureshu: “Ei Macedoniakyty, yrỹmboryvei”.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

2 Corintios 9:2

Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

Romano 15:26

Shara Macedonia hareka Acayape'iare ha'eire mbaty reta ofrenda heshakapy verã jyparekokue pavetevare pevarã ẽvã ñandyryvyre heko kyambare mbytepe Jerusalenpe'õre.

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

2 Corintios 9:12

Shara kova mbai haikavi pijapova pymbory verã ñandyryvyre, ha'ẽã mbai mba'etyrevapeĩ mboryvare, koñeĩ mykyrẽ'ỹha reta pyraheshu verã Tũpa.

2 Corintios 9:4

Mahẽ Macedoniavare ohoa hãndirã pyndyreshakui pẽĩkavimbape. Hokava yrỹmymarãkapokui, shara jyrojahaite'i pyndyrehe; jaijetambaheva marãkue pee pyreko verã.

Hechos 24:17

Heta ãño aiko mamaĩpi, haivi aijy shyrẽntape ameẽ verã maĩnunga shyrẽnta'ĩrũ retape hareka ambishaka verã Tũpa pevarã.

Mateo 25:22

Haivi ou jokuea rea 20 mil ĩmere vekua hãrã hei: “Sheja, 20 mil rãnga rỹmeẽ she, hãma arujynde 20 mil ĩãrẽve amimoñajyva”.