2 Corintios 7:4 - NandevaBiblia

⁴ Kyjembape aijeta'ãĩ penendie hareka airoja'ãĩ pyndyrehe. Opa mba'e ahasa'asy vekua mbytepe, shykyrẽ'ỹ hareka avy'a.

2 Corintios 7:4 Referans Kwoze

2 Corintios 1:4

Hai ñanymbyvyañoĩ, opaite jepy'apykuepy, ñambyvyajy verã jyve hasa'asy'õre, vya Tũpa meẽ oreva rupii.

2 Corintios 3:12

Rekoha hãrõhã'õvãrã, jyrojakue ryheve kyrã ijetaha.

Santiago 1:2

Shyryvyre pyvy'aĩpo opaĩ marãrãva pyarãã pyhasapeĩrã.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

1 Corintios 1:4

Shyrorykue ameẽñoĩ pyndyrehe Tũpape, shara Jesucristo rupii maĩkavi pyndyrehe.

1 Tesalonicenses 2:19

Shara, mbaivara katu hãrõhã'ẽ, ỹrỹmbyvyava, hareka jyrojahahe verã Ñandeja Jesús oujymarãme? Ambe'uãperã, mba'etypojy yngava.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

2 Corintios 11:21

Anotiny hai pee, ãñete ore mapeãã kyrãã haire rãĩmi oponderahãã! Tẽvã yngavare katu jyroja ijeherã, kyrãĩ jyve she, ajemaĩpo kuakuamba'ia rãĩmi aijeta.

2 Corintios 8:24

Pyheshakashu reta jyrojavare jyhaihukue ĩmepyreva, tũpao mondovare kuaa verã jyve hareka reiãã airoja'ai pyndyreherã.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

2 Corintios 1:14

kyrã ã'ẽ peñepyrõma pikuaa yryhevi, pee jyve pyvy'apo yryrehekui, orejyve vy'ahapo pyndyrehekui Ñandeja Jesús oujymarã.

Romano 5:3

Ha'ẽã kovaĩ, javya jyve jyhasa'asype, shara jaikua kova verupo ñande ñyhãrokuaa,

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

2 Corintios 7:14

Ãmarãã Tito haishu airoja pyndyreheva. Kyrãtẽ verã, opaite ore he'ihape vekua hai añeteva, hareka kyrãi jyve Tito he'iashu vekua pyndyrehe ha'ĩjy añeteva, yrỹmbyhorypi.

2 Corintios 10:8

Ajemaĩ ahasavee apory shymbaikatukue, ãnotiã. Ñandeja rãnga meẽshe apurũmupũã verã hareka ha'ẽã apyrỹmbai verã.

Filipenses 1:14

Hãrã hoka mykyrẽỹ opaite shyryvyre mbeu verã Tũpa ĩñee, kyjembape hareka jyrojakue ryheve Ñandejare.

Filipenses 1:26

hãma aijymarã, pyrekovemapo mbaiva reherapo pemombaivasu Jesucristo.

2 Tesalonicenses 1:4

Hãrã ore jyve jyrojaha pyndyrehe opaite yngava tũpao Tũpa ryhevape, ñyhãrõkua ryheve hareka pirojakue pyheshaka opaite pyhasa pynymoñahava mbyteipi hareka jyhasa'asyipi.

Filemon 1:7

Avya ãĩ hareka shymykyrẽỹ jyhaihu ĩmeryreva, shara nde shyryvy pyape rỹmykyrẽỹjyshu reta Tũpa ryhevare.