6 Hãme rãnga ỹrỹkyrẽyñoĩ, hareka jaikuaa ñaĩmeteriñaĩ ko ñandyreperã mbyrypoñaishi Ñandeja.
Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.
Opaite hokava kuaretare jyrojakue rupii ikovare opa mano hipitymbava Tũpa mbeu vekua, katynga mbyryivi hesha reta hareka kuamondo reta haire ouiva ko yvy'ĩãrẽ mbyryivi ouva rãĩmi.
She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.
Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:
Hãme avy pypoi pirojahe Tũpa, shara hokava pirojaheape me'ẽãpope me'ẽhareiva ojaimbava.
Tẽvã jairojañaĩ ñandypyavasu ryheve, hãme rãnga pota mbyryñaĩshi kova ñandyrete, ñaĩ handi verã Ñandeja.
Ko yvy jerekuepe mba'etyjare pente tenta opa ara pevarã, koñeĩ jaha jai jykoty jaheka hokava tenta ou verã.