2 Corintios 5:12 - NandevaBiblia

¹² Ha'ẽã ijetaha kavi irijeherã, potaĩ rãnga pirojatẽ jyve yryrehe, hãme pikuaapo marãrapo pereshu opaite jyroja'i ijeheare kuaretare hỹnonde, hareka ha'ẽã ẽvã pyape kyrãvare.

2 Corintios 5:12 Referans Kwoze

2 Corintios 3:1

Kova kyrã he'iharã, pimoãra hykuaĩma pota ijetaha kavi'ẽjy irijehe? Maĩrã, pipotara pynymbyheshahaka kuatia pa'ãporã, maĩrã jururehape, a'ãmore japosea rãĩmi?

2 Corintios 1:14

kyrã ã'ẽ peñepyrõma pikuaa yryhevi, pee jyve pyvy'apo yryrehekui, orejyve vy'ahapo pyndyrehekui Ñandeja Jesús oujymarã.

2 Corintios 10:18

Shara hokava kuareta ñonohava, ha'ẽãpo ha'ii ñymbyhaikavi'ia, koñeĩ Ñandeja mbyhaikavivaĩpo.

2 Corintios 12:11

Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

2 Corintios 10:12

Katuããny ñimbivachea hãndi hareka ñymyha'angahe ijehei ijeta kavi'iare, hairetateiva ñono marãrapo iko, hãme rãnga ñyhããjyre ijupe, ha'ire ñimbivachejyrerã, katynga kua'ãĩtei japovare.

2 Corintios 10:8

Ajemaĩ ahasavee apory shymbaikatukue, ãnotiã. Ñandeja rãnga meẽshe apurũmupũã verã hareka ha'ẽã apyrỹmbai verã.

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

2 Corintios 10:7

Pymaĩ kavihe maĩnunga marãra. Ĩme'ẽ hei ijeheva haiva Cristo ña'ãpova, aipota haishu ore ha'ĩ jyve.

Filipenses 1:26

hãma aijymarã, pyrekovemapo mbaiva reherapo pemombaivasu Jesucristo.