2 Corintios 4:6 - NandevaBiblia

⁶ Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 4:6 Referans Kwoze

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

2 Pedro 1:19

Kyrã rekoha hokava ñee Tũpa ĩñee mbeu'iare mbeu vekua, pyrãtakavi'õ hareka haikavipo pijasaka kaviherã. Kova hai mbai sapekava rãĩmi pyntuape sapeva, kõĩma ourãpeve hareka jasytata koĩ kyty jykuava õhẽpeve sape verã pyndypyape.

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

2 Corintios 3:18

Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.

Juan 11:40

Jesús heishu: Ambe'ũarandeje, ryrojarã ryhesha verã Tũpa ñymbaikatukue?

Colosenses 1:15

Cristo rãnga hai Tũpa Tay, hai rãnga ndei yvy japoharãvãĩmba ẽẽ hai; hai rãnga Tũpa jaheshambava hã'anga.

Efesios 1:17

Airureshu Tũpa Ñandeja Jesucristo, jaishu Tũpa hĩmbipeva, tymeẽpe mbai pikuaa verã Espiritupy hareka pikuaa kavi verã, heshakape verã hai ñymbai kuaakuepy.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

Filipenses 2:6

Ajemaĩ haite Tũpa, hai he'iã ijehe mbivacheva Tũpa maĩnunga ha'ĩ pysy verã rãĩmi,

Juan 12:41

Isaias kyrã mbypara shara tynonde hesha Jesús hĩmbipekue, hãrã kyrã ijetahe.

Lucas 10:22

Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

2 Corintios 2:10

Pyhejareiishuvape, ahejareii jyveshi. Shara ahejareii jyve, ĩme'ẽ kyrã ahejareii verãrã, ajapo pyndyrehe Cristo hỹnonde.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

Hebreos 6:4

Shara katuãã sapeamaheare hareka kuaamava Tũpa meẽreiiva, hareka me'ẽãshu vekuare Espiritu Santo,