2 Corintios 4:12 - NandevaBiblia

¹² Kyrã manokue mba'apo'ẽ yryrehe, hareka pee tykove mba'apo'ẽ pyndyrehe.

2 Corintios 4:12 Referans Kwoze

2 Corintios 13:9

Hãme ore vy'ahaĩ ỹrỹkangyrã, hareka pee pynypyrãtarã; hareka ñymbo'eha pyndyrehe hekope kavi piko verã.

1 Juan 3:16

Ñande jaikuakavi Jesucristo jyhaihukue, shara hai meẽ ñandyrehe hykove. Hãme ñandyryvy retare ñameẽpo jyve ñandyrykove.

1 Corintios 4:10

Cristo heiva japohashurã rãnga kuaretare hei yryrehe mbaimba kuaahava. Tẽvã Cristo rupii hei pyndyrehe reta heta mbai pikuaava. Ore rãnga ỹrỹpyrãtãã, tẽvã pee pynypyrãtã. Pee rãnga pyndyraihuha, tẽvã ore yryreshatãã reta.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

2 Corintios 12:15

She rãnga vy'a ryhevepo apory shijehekui kyrypoti ĩme'area, hareka katu sheteiva ameẽjy pyndyrehekui. Apyryhaihuiterãra, marãrapo pee sa'ite shyraihupi?

Filipenses 2:30

Shara ajete mano Cristo rehe mba'apovapẽĩ, hareka hykove haihumbape shĩmi'ĩrũ verã, pee katumba pijapova, mbyrypẽĩ shyhevirã.

2 Corintios 4:11

Ore rãnga ĩmeãteri'irã, opa ara õĩha Jesús rehe manohã verã, kyrã ijyhesha verã jyve Jesús hykove ko yryrete mano verãre.

2 Corintios 4:13

Ore rekohava jyrojakue, hai Mbyparahava heiva rãĩmi: “Aroja, hãme aijeta”, ore rojahaĩ jyve hãme ijetaha,