2 Corintios 2:13 - NandevaBiblia

¹³ Tẽvã ajepy'apy ai aheshãã shyryvy Tito Tróasperã. Hãme rãnga aheja retarã aha Macedoniape.

2 Corintios 2:13 Referans Kwoze

2 Corintios 12:18

Airureshu Tito oho verã peĩvape hareka ãmondo hãndi pente ñandyryvy. Pynymbytavyra'i Tito? Pentea rãĩmiãra ikoha'i pynymbytepe hareka pente pyape?

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

2 Timoteo 4:10

shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.

Galatas 2:3

Tẽvã Titopembaa, shimi'ĩrũte'iva, jurureshuare pire chĩchĩka verã, ajema griegote haiva.

Galatas 2:1

Hasama 14 ãñorã ahajy hykuaĩ Jerusalenpe Bernabé hãndi, araha jyve shendie Tito.

2 Corintios 8:23

Tito rãnga hai shi'ĩrũ hareka shymbory'ia pee pevarã; hãma ñandyryvyre oho hãndivare, hai Jesucristo jy tũpao mondovare, hareka Cristo õmombai'iare.

2 Corintios 8:16

Ãmeẽ shy'ajetekue Tũpape hai ñono Tito pyape she rãĩmi ojepy'apy pyndyrehe verãrã.

2 Corintios 8:6

Hãmeara jururehashu Tito, hai õñepyrõ vekua opa japo verã pymbytepe, kova mbai kavikue pijapova.

2 Corintios 7:13

Hokava yrỹmbyvy'aite. Yrỹmbyvyaveva rãnga hai Tito heshaha vya'irã; shara pymykyrẽyjyshu.

Marcos 6:46

Opajyma mondorã, Jesús ohojupi yvyturusure ñymboishu verã Tũpa.

Romano 15:26

Shara Macedonia hareka Acayape'iare ha'eire mbaty reta ofrenda heshakapy verã jyparekokue pavetevare pevarã ẽvã ñandyryvyre heko kyambare mbytepe Jerusalenpe'õre.

2 Corintios 7:14

Ãmarãã Tito haishu airoja pyndyreheva. Kyrãtẽ verã, opaite ore he'ihape vekua hai añeteva, hareka kyrãi jyve Tito he'iashu vekua pyndyrehe ha'ĩjy añeteva, yrỹmbyhorypi.

Hechos 21:6

Haivi opa ñykuãkuãvãharã hejaha reta hareka jupihajy varkoperã, opajy ou henta retaipi.