2 Corintios 12:16 - NandevaBiblia

¹⁶ Pee pikuaa kavi aipotãã pejepy'apy shyrehe pymeẽ she verã kyrypoti. Tẽvã, ĩme'ẽ ã'ãmore hei shyreheva shapukuepy apyrỹmbytavyrã apirirityva.

2 Corintios 12:16 Referans Kwoze

1 Tesalonicenses 2:5

Pee pikuaa, penteã mbai mypoporãhãrei mbe'uha, hareka pymbytavyhãã pota kyrypoti hekyha'i pyhevirã. Tũpa rãnga opa kuaa hokava.

1 Tesalonicenses 2:3

Shara ore mbe'uharã añetevaĩ mbe'uhape, javyhambape, haimbajy porãmbape mbai japohava, hareka mbavapembaa pota mbytavyhava.

2 Corintios 12:13

Aipota pyhejareii shyhevi ĩme apyrỹmbyposhykarã. Tẽvã pente mbaipe pee pinimishĩĩve yngava tũpao retaivi, she ãĩã jyve apyrỹmbavai verã!

2 Corintios 7:2

Piñono ore ikoa verã pyndypyape! Mbavãã porãmba japohahe, mbavapeã mymarãhãka, mba'ety mbytavyava.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

1 Pedro 2:3

Pikuaa rãnga marãra Tũpa pyakavi.

2 Corintios 6:8

Ãmope yrỹmbyveteha, hareka ãmope ajeteãshu reta, ãmope ijeta kavi yryrehe, hareka ãmope porã'ãĩte he'iajy yryrehe. Añetevate he'iava, he'iajy yryrehe mba'ety vekua mbe'uava.

2 Corintios 11:20

Mba'ẽã pereshu pokuereii'iare, pimiñerã pyrojashu verã, pynymbytavy'iare, ha'ei retaĩ ñymbyvate'ia hareka pyndyrovaipi nupa'iare.