2 Corintios 12:15 - NandevaBiblia

¹⁵ She rãnga vy'a ryhevepo apory shijehekui kyrypoti ĩme'area, hareka katu sheteiva ameẽjy pyndyrehekui. Apyryhaihuiterãra, marãrapo pee sa'ite shyraihupi?

2 Corintios 12:15 Referans Kwoze

1 Tesalonicenses 2:8

Pyndyraihuhaiterã, ha'eã Tũpa Ĩñee Kavi mbe'uhapeveĩpea, yryrykoveave rãnga me'ẽhã pyndyrehe, shara pyndyraihuhaite.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

2 Corintios 1:6

Ore hasaha'asy'ẽrã, hai pyvya verã hareka pehojepe verã; yrỹmbyvy'aharã, hai pyvya verã hareka pijepymahe, jyhasa'asy ore hasaha vekuarã.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

2 Corintios 2:3

Hãme rãnga ambyparape kuatia ajapova rãĩmi, aipotãã ãvãhẽ aharã shymbyvy'ããpirã, shymbyvyatẽpi verã; airoja'ãĩ pyndyrehe shyvy'akue haiva jyve pyndyvya.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

2 Corintios 12:14

Opama'ãĩ kavi aha apyryresha verã mbahapyheamapo kova, ahekãã pyndyhevi pee ĩmepyrea, peeteiva rãngapo aha apyryreka. Teru reta rãngakuei mbaty verã kyrypoti tyrayre pevarã, ha'ẽã tyrayre mbaty verã teru pevarã.

2 Corintios 12:9

Tẽvã hai heishe: “Koñeĩ rikotẽve shyhevi jyhaihu; shara mbaikatu ĩme'areva ijeshaka kavi kangykuepe”. Hãrã shypyrãtamba vekuapeĩpo airoja shijehe, Cristo pyrãtãkue ẽẽ sheãrẽ verã.

2 Corintios 1:14

kyrã ã'ẽ peñepyrõma pikuaa yryhevi, pee jyve pyvy'apo yryrehekui, orejyve vy'ahapo pyndyrehekui Ñandeja Jesús oujymarã.

2 Corintios 7:3

She ha'ẽãpe kova pota aijeta'ai pyndyreherã, haimape kueve, shypyape apyryre, penteapeĩ jaiko verã hareka penteapeĩ ñamano verã.

Galatas 4:10

Pee kuareta reta rãnga pymby'areteteri arete arare, jasyre hareka ãñore.

Romano 9:3

Shara shetei aipota jahea shyrehe, Cristo asyryshiape, shyryvyre ahaihurã hareka sheii shyrẽnta ĩrũre.

2 Corintios 7:2

Piñono ore ikoa verã pyndypyape! Mbavãã porãmba japohahe, mbavapeã mymarãhãka, mba'ety mbytavyava.

2 Corintios 11:11

Marã'ĩrãra kyrã aijeta? Apyryhaihuarãra'e? Tũpa rãnga kuaa apyryhaihurã.

2 Corintios 4:12

Kyrã manokue mba'apo'ẽ yryrehe, hareka pee tykove mba'apo'ẽ pyndyrehe.