2 Corintios 12:1 - NandevaBiblia

¹ Ãñete, mba'ẽã ñambijehu ñandeĩ jaijeta jai ñandijeherã. Tẽvã kyrãñoĩpo aijetahe shyresape ouva hareka Ñandeja shymbyheshakava.

2 Corintios 12:1 Referans Kwoze

Galatas 1:12

Ha'eã me'ẽãshea, ha'eãvãĩjy aikuava kuareta retaivi, Jesucristo teiva rãnga heshakashe.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

2 Corintios 12:7

Potãã mbai heshahakashe vekua rehe airojaiteherã, juu shyroope kuture, pente Satanás ĩñee mbeu'ia tunupa shyrovaipi, potãã airojaite shijeherã.

Galatas 2:2

Tẽvã ahajy haipe heshahakasherã hareka aimbatyjy hãndi reta tũpao ñakarã'õre, ambeu kavishu reta Ñee kavi ambeuva haimba Judiova retape, opaite ãñehãvape ajapova opareimba verã.

2 Corintios 12:11

Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

2 Corintios 8:10

Kovape ameẽpope arakuaa: Pee rãnga ãño hasa vekuapevãĩ peñepyrõ, ha'ẽã kova mbai pijapoĩñoĩtẽva, kyrẽ'ỹpe rãnga pijapo.

1 Corintios 10:23

Opa mba'eara katu jajapo, tẽvã opa mba'ẽã haikavi. Opa mba'e katu jajapo, tẽvã opa mba'ẽã haikavi japo ñandyrehe.

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Hechos 18:9

Pente pyhare Ñandeja ijetashu Pablo hesape'ouva rupive heishu: Ijeta katu jyvyĩño, avy ñimĩchirĩrĩ, avy kyje!

Juan 16:7

Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.

1 Corintios 6:12

Opa mba'e rãnga ẽẽshe ajapo verã, tẽvã opaĩñoã haikavi she; opa mba'e katu ajapo, tẽvã ama'ẽĩãpo kova maĩnungare jepy shyrehe.

Juan 18:14

Ko Caifas rãnga heimbashu Judio juhuvisha retape, haikavivepo penteĩ kuimbai mano opava rehe.

Efesios 3:3

Tũpa kuaakashe maĩnunga hai ñomireva, katy ambyparamape mishiĩ.

1 Corintios 14:6

Hãrã shyryvyre aha peĩvãperã, aijetape ñee yngaivaperã, mbaivaperapo haikavipekui, Tũpa heshakava rupiiã aijetaperã, maĩrã ãrãndu rupii, maĩrã ñee iko verã Tũpaivi ouvare, maĩrã arakuaa rupii?

2 Corintios 12:5

Kyrãva kuaretare katu kyrã airojahe, tẽvã she katuã airoja'ai shijehe, shara mba'ety are kyrã verã, koñeĩpo aijetahe shypỹrãtamba vekua.

2 Corintios 12:9

Tẽvã hai heishe: “Koñeĩ rikotẽve shyhevi jyhaihu; shara mbaikatu ĩme'areva ijeshaka kavi kangykuepe”. Hãrã shypyrãtamba vekuapeĩpo airoja shijehe, Cristo pyrãtãkue ẽẽ sheãrẽ verã.

1 Tesalonicenses 4:15

Hãrã he'iape, Tũpa pyrỹmboiva rãĩmi, ñande ñandyrykoveteri jaiva Ñanderu oujypeve, ñañymytynondeaposhi mano vekuare.