2 Corintios 11:31 - NandevaBiblia

³¹ Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

2 Corintios 11:31 Referans Kwoze

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

Colosenses 1:3

Jururehañoĩ'i pyndyrehe Tũpape, me'ẽhã yry'ajetekue Ñandeja Jesucristo Tuupe.

2 Corintios 1:3

Tomomba'ea vasu Tũpa, Ñandeja Jesucristo Tuu, meẽva jyparekokue hareka ñanymbyvyava.

Romano 15:6

opaiteva, pente ñeepeĩ pemombai verã Tũpa hareka Ñandeja Jesucristo Tuu.

Romano 1:25

Haire myngovia Tũpa añeteva japureiiva retape; ohohe reta hareka õmombaijyre maĩnungare Tũpa japo vekua, Tũpa pyrapo vekuatẽ verã, haiñoĩ ẽẽshu opa arape õmomba'ea verã, Amén.

Juan 10:30

Teru hareka She, penteĩ'õĩhã.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

Efesios 3:14

Kovare, she aiñesu Ñandeja Jesucristo hỹnonde,

2 Corintios 11:11

Marã'ĩrãra kyrã aijeta? Apyryhaihuarãra'e? Tũpa rãnga kuaa apyryhaihurã.

2 Corintios 1:23

Shykovere ãñono ko haiva, ãhẽno Tũpa hesha verã, hai opa kuaa shypyape'õ, potãã pohyite aijetaperã, ahããteri Corintope.

Romano 9:1

She Cristo airojaheva, añeteva hai, shapuã. Hareka shypyaivi hai Espiritu Santo pyrỹmboiheva, heishe ko haiva añeteva,

Romano 1:9

Tũpa rãnga, hai shypya ryheve aikohea ambeuva Ñee Kaviva Tayre'õ, hai shyresha shymanduañoĩ pyndyreherã,

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

1 Tesalonicenses 2:5

Pee pikuaa, penteã mbai mypoporãhãrei mbe'uha, hareka pymbytavyhãã pota kyrypoti hekyha'i pyhevirã. Tũpa rãnga opa kuaa hokava.

Galatas 1:20

Añeteva kova ambyparapeva. Tũpa kuaa shapuãrã!