2 Corintios 11:3 - NandevaBiblia

³ Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

2 Corintios 11:3 Referans Kwoze

Colosenses 2:8

Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

Galatas 1:6

Mbyry rãnga amaĩ are'ãĩtemba pimymbyryshi Tũpa, pynyrẽnova heshakape pya kavi Jesucristo rupii, yngava ñee kavi pyroja verã.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

Colosenses 2:4

Kova hai pee potãã mbava pynymbytavypy ñee mashyã'ovarã, tẽvã mba'ety vekua.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

1 Timoteo 2:14

ha'ẽãmba Adán mbytavyhava, taupe rãngamba, mbytavyamarã oamba mbai porãmbape.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

1 Juan 2:18

Shyray rãĩmire, vãhẽserima rãnga ara opa verãpe, pee pyhenduma ou verã Cristo ñymbyvaishoheva. Hãrã ã'ẽ hetama'ẽ Cristo ñymbyvaisho'iheare. Kyrãvape ñande jaikuaa vãhẽserimava ara opa verãpe.

2 Pedro 3:17

Hãme rãnga shyryvyre ahaihuva, opama pikuaa kova mbaire, pingareko pindijehe avy heko porãmbare pynymbytavykui hareka pirojakuepe haikavipeĩva pypoi pirojahekui Tũpa.

Galatas 4:11

She akyje ĩmerã amba'aporeira pynymbytepe.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

2 Pedro 3:3

Opava kovare ĩãrẽ pikuaa kavipo: Ara koñymaheape, jyverupo kuareta Tũpa ñymbyhory'iheare pota ikova rãĩmi ikova. Haire ñymbyhorypo pyndyrehekui.

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

1 Tesalonicenses 3:5

Hãme rãnga, katuveama ãhãrõrã ãmondo Timoteo, shara aipota aikuaa ĩmeĩrateritẽ piroja. She rãnga akyje Ãña japokajype verã mbai porãmbava hareka opaite pyhejareijy verã japoha pyndyrehe vekua.

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Tito 1:10

Shara heta'ẽ ñakareĩ'iare, ĩñeengãtuvare hareka pyrỹmbytavyĩ'iare, tynondeite'ẽ potañoĩ pire chĩchĩava ryheva japoashuare.

1 Timoteo 1:3

Ndeiteri aha tenta Macedonia kytyrã, airure nde rypyta verã tenta Éfesope, rijocha verã opaite haipi yngaiva pyrỹmboi'iheare ỹnteñoma kyrã japo verãre,

Colosenses 2:18

Avy pyma'ẽĩhe tijahe pyndyrehekui, ñymby pya kavi rã'ãnga'iare hareka õmombaivasu'iare Tũpa jokuevare, hei'ia maĩnunga heshahakashua hareka jyrojahe kuaretare ñãkape ñanduva ĩmereva.

2 Corintios 11:29

Ĩme'ẽ ñymbairasyvarã, shymbairasyĩ jyve; tẽvã ĩme'ẽ hapisha mbai porãmbape ityvarã, shymarã hareka shyposhy.

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

Apocalipsis 20:2

Ko Tũpa jokueva pysy mboi vasu, arykaiva mboi, haiva Ãña hareka Satanás, hareka ñapĩnti kadenapy 1.000 ãñopeve.

2 Corintios 11:20

Mba'ẽã pereshu pokuereii'iare, pimiñerã pyrojashu verã, pynymbytavy'iare, ha'ei retaĩ ñymbyvate'ia hareka pyndyrovaipi nupa'iare.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Apocalipsis 12:15

Mboi mohẽ juruipi taupe haykue yysyry rãĩmiva, raha verã yy syryva.