2 Corintios 11:23 - NandevaBiblia

²³ Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

2 Corintios 11:23 Referans Kwoze

2 Corintios 6:9

Yrykuaahamba rãĩmi yrapoha, ajemaĩ yrykuaaha kavitẽva. Manoãserima'ia rãĩmi ikoha, haikavite ikohava; ũrũnupãhãtẽva, manohãã.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Hechos 9:16

She ambyheshakapo heta hasa'asy verã shyreepe jyrojarã.

Filemon 1:9

aipotaĩ airure nde jyhaihukue heepe. She, Pablo, akuakuama hareka ã'ẽ shymbyperesohavape ãĩme'ãĩ Cristo Jesús rehe,

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

Hebreos 10:34

Pee pyparekomba opaite mbyperesohavare, hareka vy'ape pyma'ẽĩmbahe mburuvishare heky pyndyhevi pa'ãpovare, shara pikuaa kavipeĩ ĩmepyre mbai haikavivevarã hareka tantaveva.

2 Timoteo 1:16

Ñandeja tymaĩ kavihe Onesíforo ñymoña hãndiare, shara hetajy shymykyrẽy hareka shynotiã shymbyperesoha'irã,

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

1 Timoteo 4:6

Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

Filipenses 1:13

Opaite syndarore ẽvã mburuvisha vasu hoope hareka yngavare, kuaa reta Jesucristo ahaihurã rehe shymbyperesoava.

Efesios 6:20

Tũpa shymondo ambeu verã ko ñee hãme rãnga ã'ẽ shymbyperesoha. Tẽvã pimboi shyrehe, aijetahe verã jyroja katupe, aijeta verã rãĩmi.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

2 Corintios 11:5

Tẽvã mbaivapeã shimishiveeshi hokava apostol haikavivevare pymbyveteshuva.

2 Corintios 10:7

Pymaĩ kavihe maĩnunga marãra. Ĩme'ẽ hei ijeheva haiva Cristo ña'ãpova, aipota haishu ore ha'ĩ jyve.

2 Corintios 4:11

Ore rãnga ĩmeãteri'irã, opa ara õĩha Jesús rehe manohã verã, kyrã ijyhesha verã jyve Jesús hykove ko yryrete mano verãre.

Romano 8:36

Mbyparahava rãĩmi: “Ndyrehe rãnga urukaha verãĩma ikoha; avisha rãĩmi yryrahaha urukaha verãpe”.

Hechos 28:30

Pablo pyta mõkue ãño pente oo poryhakashuvape kyrypotire, hãrã haipe myvãhẽ opaitea ouva hai ẽvãpe.

Hechos 28:16

Vãhẽama ohoa Romaperã, huvishare ñonoshu reta pente oo Pablo ha'ĩ pyta verãpe, hãndi pente syndaro ñyngarekorehea.

Hechos 27:1

Meẽma reta yrỹmondo verãre Italiaperã, me'ẽha Pablo hareka a'ãmo mbyperesoareare pente 100 õvã syndarore juhuvishape Julio he'iashua, huvisha vasu Augusto ñysyndarore ryheva.

Hechos 25:14

Hãrã haipe mbovy ara pytarã, Festo mbeushu mburuvisha vasu Pablo heko ryheva, hãma hei: Ĩme'ẽ pente kuimbai Felix hejashu mbyperesohavape.

Hechos 21:11

ou yryresha hãrã heky Pablo kuaipi jokuapyarã hareka ipy, ipo opa jokuarã hei: Espiritu Santo hei kyrãpo pokuahakui Jerusalenpe Judiore, kova tukuaipi jokuahapya ija hareka ñonoãpo haimba Judiore ipope.

Hechos 20:23

Koñeĩ aikuaava hai, opaite tentare ahavaipi Espiritu Santo heishe shy'ãrõ'ẽvã shymbyperesoha verã hareka heta aiko'asy verã.

Hechos 14:19

Hãma Judiovare Antioquia hareka Iconiova kuaretare mbyposhykashu hareka mbyvaishokahe verã Pablo. Hãma itape Pablo japi reta hareka mõãte jykama retarã, mbytyryry nohẽ reta tentaivi.

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

1 Corintios 4:9

She pevarã, ore apostol Tũpa taykue'ãmo ĩrĩñono, jukaha verãĩma'õ rãĩmi, ore rãnga hai ko yvy'ĩãrẽ kuaretare jojeha verã rãĩmi hareka Tũpa jokuevare pevarã jyve.

1 Corintios 4:11

Ã'ẽpeve opa irĩmbahyha, uru'uhe mba'etyvãĩjy mondeha verã, ũrũnupãhã hareka yreroãseve;

Galatas 6:17

Ã'ẽvaĩ aipotaveãmapo mbava ñonokui shyraperãpe mbai porãmba, shara ĩme'are mbypereava shyretere, heshakava ahasa'asyva Jesús jokuereasherã.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.