2 Corintios 11:13 - NandevaBiblia

¹³ Haireta rãnga apostol japuvare, ñimiñee'ia japureiivare, ñymbyheereiipy reta Jesucristo apostolre.

2 Corintios 11:13 Referans Kwoze

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.

Filipenses 3:2

Pingareko katu pijeheshi tykove ñaumba rãĩmi'ivare, porãmba mba'apovare, hareka pyndyrete pota chĩchĩvare.

Galatas 1:7

Añete, mba'ety rãnga yngava Ñee kaviva, ĩmeĩ rãnga ẽẽ pota porãmba piniñonova, hareka pota yngai mbeujya Ñee kaviva Jesucristo ryheva.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Colosenses 2:8

Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

Colosenses 2:4

Kova hai pee potãã mbava pynymbytavypy ñee mashyã'ovarã, tẽvã mba'ety vekua.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

2 Corintios 11:15

Hãme rãnga ohoheare kyrãĩ mbai japo rã'ãnga ñimbivachepe. Tẽvã hokavare opapokui, japo vekua jurureva rãĩmi.

Apocalipsis 2:20

Tẽvã ĩme'are pente mbai shypya'ohombahe ndyheviva: Rỹma'ẽĩhe Jezabel taupe ñimiñee Tũpa heepe, mbytavy shyryhevare, mboishu reta ikoĩ hãndi verãre taupe omendambape hareka hou verã ho'uavare me'ẽãva ta'angape.

Apocalipsis 2:9

She aikuaa rijapo vekuare, ryhasa'asyvare hareka ndypavetekuepe, ndy espiritupe rikokatutẽva. Aikuaa marãra ijeta porãã ndyrehe Israelitare hei'i ijehevare tẽvã ha'ẽã, koñei Satanás ñymbatyse'õ retape hai.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

1 Juan 2:18

Shyray rãĩmire, vãhẽserima rãnga ara opa verãpe, pee pyhenduma ou verã Cristo ñymbyvaishoheva. Hãrã ã'ẽ hetama'ẽ Cristo ñymbyvaisho'iheare. Kyrãvape ñande jaikuaa vãhẽserimava ara opa verãpe.

Galatas 6:12

Opaite pinimiñerã'iare piñichĩchĩka verã, japo pota pyta kavi hãndi kuareta retarã hareka potãã moñahã reta ñee Cristo kurusu ryheva reherã.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

Hechos 15:24

Ore henduha ỹrỹmbyteivi ohova yryryheva, oremba me'ẽãshuva ñee opa porãã japopy reta haire pyrỹmboiheva.

Galatas 4:17

Ĩme rãnga'ẽ pyndyraihuva, tẽvã ha'eã haikavi verã pota pyndyreky yryhevi, pota haykue pehorã.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Mateo 25:24

Haivi vãhẽ ou jokuearea 10 mil me'ẽãshu vekua, hei pyrokue'iape: “Sheja, she rãnga aikuaa nde hai kuimbai heko pyatãtava, rỹmynõõ rĩñotymbape hareka rỹmbaty rỹmomohẽmbaipi.

Filipenses 3:18

Hetama hai jyvyĩpeva rãĩmi, hareka ã'ẽ shysay syry ẽẽ shyrovare, ĩme'ẽ heta heshatamba Cristo jukurusurã.