2 Corintios 10:4 - NandevaBiblia

⁴ Ñyrarõhãrã poryhãã ko yvy'ĩãrẽ'õ, Tũpa ñymbaikatukue rãnga poryha, hokava hai jepyheva opaite mbai ñymypyrãta'õ.

2 Corintios 10:4 Referans Kwoze

2 Corintios 6:7

ñee añeteva mbe'uha iape, hareka Tũpa ñymbaikatukue ryheve. Ñyrãrõhã verã ñimbivachepe, ohoashu verã, maĩrã, ijochaha ẽvãpe.

1 Corintios 2:5

pirojakue piñonohe verã Tũpa ñymbaikatukue, ha'ẽãjy kuaretare ñymbai kuaakuere piñono verã.

1 Timoteo 1:18

Nde Timoteo, shyray, aheja nde kova rijapo verã iko verã he'ia ndyrehe vekua rãĩmi Tũpa heepe, hekope kavi rĩrãrõhe verã, rirojakuepe hareka pya kyamba ryheve,

Romano 13:12

Pyntukue ouve'i hareka vãhẽmapo ara kõĩva; hãrã japoi jajapo mbai pyntuaipi'õvare hareka ñaĩmimondepy ijochahapya hendyva syndaro rãĩmi haikaviva jajapo verã.

1 Tesalonicenses 5:8

Tẽvã ñande ara kõĩvape jaiva, opa arapo haikavi jaiko. Jaijochapopy jyroja hareka jyhaihukuepy, syndaro ijochapya rãĩmi pitiaipi, ñymyhẽva'õ ñyrãrõ verã, syndaro ñãka jochapya rãĩmi ñañõno ñandijehe ñyhãrõ hareka ohojepea ryheva.

2 Corintios 4:7

Tẽvã rekoha kova mbai hepyva rãĩmi, pente mbai hyru tujuivi japoa vekuapy, ijyhesha verã mbaikatukue ojaimbava haiva Tũpa ña'ãpova, haimba ore yrã'ãpova.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

2 Corintios 3:5

Tẽvã ore õĩhãã oreii mbai japoha irijehe verã; Tũpa rãnga meẽ ore mbai katuha japoha verã.

Hebreos 11:30

Jyrojakue rupii opa oa tenta Jerico ñymangorapy vekua, siete arakavima jerehe retarã.

2 Timoteo 2:3

Nde, Jesucristo ñysyndaro kavindeva rãĩmi, rẽĩñoĩpo jyve ryhasa'asy verã.

Hechos 7:22

Hãrã Egiptope'õre mbo'eshu reta Moisés ñy'ãrãndu rehe hãrã ĩmere mbaikatu heiva hareka japovape.

2 Corintios 13:10

Hãme rãnga, ambyparape kova ndei aha apyryresharã, potãã ahamarã apory mbaikatu Tũpa meẽshevarã pohyite aijetaperã, ha'ẽã opa apyrỹmbai verã, koñeĩ apurũmupũã verãĩ.

1 Corintios 9:7

Ĩmera'ẽ syndaro jykyrypotivi karu'iva ijokuekateri'ẽrã? Mbavarapo uva rẽndaivi ho'uã i'akue? Mbavara avisha ñyngareko'ihea houmbashia ñykamby ñamirãme?

2 Corintios 10:8

Ajemaĩ ahasavee apory shymbaikatukue, ãnotiã. Ñandeja rãnga meẽshe apurũmupũã verã hareka ha'ẽã apyrỹmbai verã.